وفاقی حکومت کا سندھ کی سڑکوں کی بحالی کے لیے فنڈز کی فراہمی کا اعلان
یوتھ ویژن : ( معظم حُسین سے ) ایک اہم پیش رفت میں وفاقی حکومت نے سندھ کی تباہ شدہ سڑکوں کی مرمت اور تعمیر نو کے لیے فنڈز جاری کرنے کا فیصلہ کر لیا ہے۔ یہ فیصلہ وفاقی وزیر خزانہ محمد اورنگزیب اور وزیراعلیٰ سندھ مراد علی شاہ کے درمیان ہونے والی ملاقات میں کیا گیا۔
ملاقات کے دوران جامشورو سے سیہون نیشنل ہائی وے کی تکمیل اور مہران ہائی وے کو دو رویہ کرنے جیسے اہم منصوبوں پر تبادلہ خیال کیا گیا۔
وزیر خزانہ اورنگزیب نے یقین دہانی کرائی کہ پبلک سیکٹر ڈیولپمنٹ پروگرام (PSDP) سندھ حکومت کو ان منصوبوں کے لیے درکار فنڈز فراہم کرے گا۔
وزیراعلیٰ مراد علی شاہ نے بتایا کہ سندھ حکومت پہلے ہی قومی شاہراہ کی تعمیر کے لیے 7 ارب روپے مختص کر چکی ہے۔ اس ملاقات میں ملک کے وسیع تر اقتصادی چیلنجز اور ممکنہ حل پر بھی بات چیت کی گئی۔
Load/Hide Comments
