گورنر سندھ کا ندیم رضا سرور کو ڈاکٹریٹ کی ڈگری اور تمغہ امتیاز کا اعلان

گورنر سندھ کا ندیم رضا سرور کو ڈاکٹریٹ کی ڈگری اور تمغہ امتیاز کا اعلان

یوتھ ویژن : ( عمران قذافی سے ) آج گورنر سندھ کامران خان ٹسوری نے عالمی شہرت یافتہ نعت خواں اور نوحہ خواں ندیم رضا سرور کو گورنر ہاؤس میں ظہرانہ دیا، جہاں ان کے فرزند علی جی اور علی شناور بھی موجود تھے۔ اس موقع پر جے ڈی سی کے جنرل سیکریٹری ظفر عباس بھی شریک ہوئے۔

ندیم رضا سرور نے گورنر سندھ کے راشن پروگرام اور فری آئی ٹی پروگرام کو سراہا۔ گورنر سندھ نے ندیم رضا سرور اور ان کے بیٹوں کو سندھ کی ثقافت کے مطابق اجرک، ٹوپی اور شیلڈ پیش کی۔ مزید برآں، گورنر سندھ نے ندیم رضا سرور کے لیے ڈاکٹریٹ کی اعزازی ڈگری اور تمغہ امتیاز کا اعلان بھی کیا۔ تقریب کے دوران ندیم رضا سرور نے گورنر ہاؤس میں درخت بھی لگایا اور آئی ٹی سینٹر کے دورے کے موقع پر 16 طالب علموں کو اپنی جانب سے نئے لیپ ٹاپ دیے۔

50% LikesVS
50% Dislikes