کراچی ایئرپورٹ پر کرنسی اسمگلنگ کی کوشش ناکام، لاکھوں کی غیر ملکی کرنسی برآمد

یوتھ ویژن : ( معظم حُسین سے ) کراچی ایئرپورٹ پر کسٹم حکام نے کرنسی اسمگلنگ کی کوشش کو ناکام بناتے ہوئے لاکھوں روپے مالیت کی غیر ملکی کرنسی برآمد کر لی۔

تفصیلات کے مطابق، مسافر کی شناخت مسترالدین کے نام سے ہوئی ہے، جو بین الاقوامی پرواز FZ-336 پر سوار ہونے والا تھا، جب اسے عام کاؤنٹر پر روکا گیا۔

تلاشی کے دوران، کسٹم حکام نے مسافر کے بیگ کے نیچے چھپائی گئی کرنسی کو برآمد کیا، جو ایک خفیہ خانے میں موجود تھی۔ اس خانے میں 500 کے 30 بنڈل بھارتی روپے کے نوٹوں کے تھے۔

مزید پڑھیں : 16 سال سے قتل کے مقدمے میں مطلوب ملزم لاہور ایئرپورٹ پر گرفتار

کسٹم حکام نے مزید تلاشی کے دوران مسافر کے سامان سے مجموعی طور پر 14 لاکھ بھارتی روپے اور 16,000 بنگلادیشی ٹکا برآمد کیے۔

کسٹم ذرائع کے مطابق، بھارتی کرنسی کو جعلی ہونے کا شبہ بھی ہے۔

مسافر کے خلاف ایف آئی آر درج کر لی گئی ہے اور تحقیقات جاری ہیں۔