اسلام آباد میں ڈاکوؤں کی واردات 30 ملین لوٹ کر فرار فائرنگ سے سیکیورٹی گارڈ جاں بحق

یوتھ ویژن : ( اُسامہ خان سے ) اسلام آباد میں ڈکیتی کی کوشش کے دوران مسلح ڈاکوؤں کی فائرنگ سے ایک سیکیورٹی گارڈ جاں بحق اور دوسرا زخمی ہوگیا۔

ڈاکوؤں نے بڑی رقم لے جانے والی کیش وین کو نشانہ بنایا، سیکیورٹی اہلکاروں پر فائرنگ کی، اور 30 ملین روپے نقدی لوٹ کر فرار ہوگئے۔ جاں بحق گارڈ کی شناخت سلیمان کے نام سے ہوئی ہے۔

اس واقعے کے بعد اسلام آباد پولیس نے ڈی آئی جی کی سربراہی میں خصوصی تحقیقاتی ٹیمیں تشکیل دے دی ہیں، جن میں ایس ایس پی آپریشنز اور ایس پی آرگنائزڈ کرائم یونٹ شامل ہیں۔ پولیس ترجمان نے یقین دلایا ہے کہ ملزمان کو جلد گرفتار کر کے انصاف کے کٹہرے میں لایا جائے گا۔