میاں چنوں ہسپتال کا نام تبدیل کر کے اولمپیئن ارشد ندیم ٹی ایچ کیو ہسپتال رکھ دیا گیا نوٹی فیکشن جاری
یوتھ ویژن : حکومت پنجاب نے پیرس اولمپکس 2024 میں جیولن تھرو میں گولڈ میڈل جیتنے پر انہیں اعزاز دینے کے لیے تحصیل ہیڈ کوارٹر (ٹی ایچ کیو) ہسپتال میاں چنوں کا نام تبدیل کر کے ’’اولمپیئن ارشد ندیم ٹی ایچ کیو ہسپتال، میاں چنوں‘‘ رکھ دیا ہے۔
پرائمری اینڈ سیکنڈری ہیلتھ ڈیپارٹمنٹ پنجاب کی جانب سے جاری کردہ نوٹیفکیشن میں کہا گیا ہے کہ مجاز اتھارٹی کی منظوری کے نتیجے میں، THQ ہسپتال میاں چنوں (100 بستروں) کا نام تبدیل کر کے اولمپک ارشد ندیم THQ ہسپتال، میاں چنوں، ڈسٹرکٹ خانیوال رکھ دیا گیا ہے۔
مزید پڑھیں : وزیراعظم شہباز شریف ارشد ندیم کا آج رات ایئرپورٹ پر استقبال کریں گے۔
ٹی ایچ کیو ہسپتال میاں چنوں جو 34 کنال رقبے پر واقع ہے، اصل میں 1986 میں 40 بستروں کی گنجائش کے ساتھ تعمیر کیا گیا تھا، جسے اب تک 60 بستروں تک اپ گریڈ کر دیا گیا ہے۔ ہسپتال مریضوں کی فوری ضروریات کو پورا کرنے کے لیے ہفتے کے ساتوں دن 24 گھنٹے خدمات پیش کرتا ہے۔ یہ تقریباً 760,000 کی آبادی کو خدمات فراہم کرتا ہے، جس میں 122,116 کی شہری آبادی اور 29 یونین کونسلوں میں 639,855 دیہی آبادی شامل ہے۔
