پنجاب میں آٹے کی قیمتوں میں مزید کمی
یوتھ ویژن : ( شہزاد حُسین سے بھٹی سے ) پنجاب میں عوام کی سہولت کے لیے آٹے کی قیمتوں میں مزید کمی کر دی گئی۔
پنجاب کے وزیر خوراک بلال یاسین کے مطابق صوبے بھر میں 10 کلو اور 20 کلو آٹے کے تھیلوں کی قیمتوں میں کمی کا نوٹیفکیشن جاری کر دیا گیا ہے۔
لاہور میں 20 کلو آٹے کے تھیلے کی قیمت میں 70 روپے اضافی کمی کر دی گئی، اب مارکیٹ میں 20 کلو آٹے کا تھیلا 1800 روپے کی بجائے 1730 روپے میں فروخت ہو گا۔
شیخوپورہ میں 20 کلو آٹے کے تھیلے کی قیمت میں 100 روپے کی کمی کر دی گئی ہے جو اب 1640 روپے میں ملے گی، جہلم، چکوال، پاکپتن اور نارووال میں 80 روپے جبکہ ملتان، ساہیوال میں 80 روپے کی کمی کی گئی ہے۔ سرگودھا اور اٹک میں 60 روپے کمی کردی گئی، راولپنڈی، حافظ آباد، سیالکوٹ، ننکانہ اور اوکاڑہ میں 20 کلو آٹے کے تھیلے کی قیمت میں 50 روپے کی کمی کردی گئی۔
ٹوبہ ٹیک سنگھ، جھنگ، چنیوٹ، خوشاب، بھکر، لودھراں، راجن پور، مظفر گڑھ، لیہ اور رحیم یار خان میں آٹا 40 روپے سستا ہو گیا جب کہ فیصل آباد، گوجرانوالہ، گجرات، وزیر آباد اور منڈی بہاؤالدین میں آٹا مہنگا ہو گیا۔ مزید 30 روپے کی کمی کردی گئی ہے۔
بہاولپور، بہاولنگر، ڈیرہ غازی خان، خانیوال، وہاڑی اور میانوالی میں قیمتوں میں 20 روپے کی کمی کی گئی ہے۔
