ایران کی درخواست، او آئی سی کا ہنگامی اجلاس آج ہو گا
پاکستان کے نائب وزیر اعظم سینیٹر اسحاق ڈار ایران کی درخواست پر او آئی سی کے ہنگامی اجلاس میں شرکت کریں گے۔
سنیٹر اسحاق ڈار او آئی سی کے ہنگامی اجلاس میں غزہ کے حالات اور غاصب اسرائيلی حکومت کی جارحیتوں کے بارے میں اسلام آباد حکومت کا موقف بیان کریں گے۔ اس حوالے سے پاکستانی وزارت خارجہ کے بیان میں کہا گیا ہے کہ اسرائیلی جارحیت پر او آئی سی کی مجلس عاملہ کا ہنگامی اجلاس ایران کی درخواست پر سات اگست کو جدہ میں ہوگا۔
اس بیان کے مطابق پاکستان کے نائب وزیر اعظم اور وزیر خارجہ اسحاق ڈار اس اجلاس میں شرکت اور مشرق وسطی کے حالات نیز غزہ کی صورتحال اور صہیونی جارحیتوں کے بارے میں اسلام آباد حکومت کا موقف بیان کریں گے۔ قابل ذکر ہے کہ پاکستان کے وزیر خارجہ اسحاق ڈار نے سنیچر تین آگست کو ایران کے قائم مقام وزير خارجہ علی باقری کنی سے ٹیلی فون پر گفتگو میں او آئی سی کے ہنگامی اجلاس کے لئے ایران کی درخواست کی حمایت کا اعلان کیا تھا
