600 سالہ تاریخ کا سب سے طویل ترین گرہن
اسلام آباد(عمران قذافی سے ) رواں سال کا دوسرا چاند گرہن آج جمعہ کو ہوا، چاند کو جزوی طور پر لگنے والا یہ گرہن 600 سالہ تاریخ کا سب سے طویل ترین گرہن تھا۔
محکمہ موسمیات کے مطابق آج بروز جمعہ سال کا دوسرا چاند گرہن ہوا، یہ چاند گرہن گزشتہ 600 برسوں کی تاریخ میں لگنے والا سب سے طویل ترین چاند گرہن تھا جو کہ شمالی اور جنوبی امریکا، آسٹریلیا، یورپ اور ایشیا کے بیشتر حصے، آسٹریلیا، شمالی مغربی افریقا، بحرالکاہل، بحر اوقیانوس، بحر ہند اور آرکٹک میں دیکھا گیا۔
محکمہ موسمیات کے مطابق اج لگنے والا چاند گرہن پاکستان میں نہیں دیکھا جا سکا ۔پاکستان میٹرولوجیکل ڈپارٹمنٹ (پی ایم ڈی) کے کلائمیٹ ڈیٹا پروسیسنگ سینٹر کی جانب سے پیش گوئی کی گئی تھی کہ یہ چاند گرہن اس سال کا آخری گرہن ہوگا۔محکمہ موسمیات کے مطابق چاندگرہن کا آغاز پاکستانی وقت کے مطابق صبح 11 بج کر 2 منٹ پر ہوا جبکہ چاند کو جزوی گرہن 12 بج کر 19 منٹ پر لگا، چاند گرہن کا اختتام دوپہر 3 بج کر 47 منٹ پر شروع ہوا۔