پنجاب حکومت مذہبی و ثقافتی ورثہ کو محفوظ بنانے کیلئے قابل قدر کام کر رہی ہے: امریکی قونصل جنرل
یوتھ ویژن نیوز : نگران وزیراعلیٰ پنجاب محسن نقوی سے آج لاہور میں تعینات امریکہ کی قونصل جنرل کرسٹین کے ہاکنز(Ms.Kristin K. Hawkins) نے ملاقات کی۔ملاقات میں باہمی دلچسپی کے امور، دو طرفہ تعلقات کے فروغ اور مختلف شعبوں میں تعاون بڑھانے پر تبادلہ خیال کیاگیا۔امریکی قونصل جنرل نے تاریخی عمارتوں خصوصا مذہبی مقامات کی بحالی اور تزئین وآرائش کے لئے وزیر اعلی محسن نقوی کی قیادت میں پنجاب حکومت کے اقدامات کو سراہا۔
ڈپٹی کمشنر ظہیر انور جپہ اور پرائس کنٹرول مجسٹریٹس گراں فروشی کے خاتمہ کے لیے متحرک
امریکی قونصل جنرل نے کہاکہ پنجاب حکومت مذہبی و ثقافتی ورثہ کو محفوظ بنانے کیلئے قابل قدر کام کر رہی ہے۔ وزیراعلیٰ محسن نقوی نے امریکی قونصل جنرل سے گفتگو کرتے ہوئے کہاکہ پاکستان میں اقلیتوں سمیت تمام شہریوں کو آئین کے مطابق یکساں حقوق حاصل ہیں۔مذہبی اور تاریخی عمارتوں کی بحالی کے لئے جامع پلان مرتب کیا ہے۔
وزیراعلیٰ محسن نقوی نے کہاکہ ہماری حکومت لوگوں کی فلاح وبہبود کو محور بنا کریکساں ترقی کے ایجنڈے پر عمل پیرا ہے۔ امریکی قونصل جنرل نے وزیر اعلی پنجاب محسن نقوی سے گفتگو کرتے ہوئے کہاکہ پنجاب حکومت کے ساتھ مختلف شعبوں میں تعاون کو مزید فروغ دیں گے۔صوبائی وزیر اطلاعا ت و ثقافت عامر میر، ایڈیشنل چیف سیکرٹری داخلہ، ڈپٹی کمشنر لاہور اور امریکی قونصلیٹ کے حکام بھی اس موقع پر موجود تھے۔
