گوجرانوالہ کے وکیل کی درخواست پرعدالت نے نگران وزیراعظم کو طلب کرلیا

گوجرانوالا میں پیٹرولیم مصنوعات کی قیمتوں میں اضافے کے خلاف ایڈووکیٹ منظور قادر بھنڈر کی جانب سے دائر رٹ پٹیشن کی سماعت میں سول جج نے نگران وزیراعظم انوار الحق کاکڑ، سیکرٹری پیٹرولیم اور کمشنر گوجرانوالا کو طلب کررکھا ہے

یہ بھی پڑھیں: پاکستان پہنچتے ہی شہبازشریف کی واپسی لندن روانگی
ایڈووکیٹ منظور قادر بھنڈر کی جانب سے دائر کی گئی رٹ پٹیشن پر سماعت سول جج محمد اویس کی عدالت میں ہوئی۔

ایڈووکیٹ منظور قادر بھنڈر نے درخواست 16 ستمبر کو عدالت میں دائر کی گئی تھی جس میں نگران وزیراعظم انوارالحق کاکڑ ، سیکرٹری پیٹرولیم اور کمشنر گوجرانوالہ کو فریق گیا تھا۔ پٹرولیم مصنوعات کی قیمتوں میں حالیہ اضافہ ظلم اور زیادتی ہے
ایڈوکیٹ منظور قادر بھنڈر نے عدالت سے استدعا کی تھی کہ پیٹرولیم مصنوعات کی قیمتوں میں حالیہ اضافہ روکنے کیلئے حکم امتناع جاری کیا جائے۔
دائر درخواست پر سماعت کے بعد عدالت نے نگران وزیراعظم، سیکرٹری پیٹرولیم اور کمشنر گوجرانوالہ کو طلب کر لیا۔ عدالت نے تینوں کو 20 ستمبر کیلئے طلبی کا نوٹس جاری کرنے کا تحریری حکم نامہ بھی جاری کیا تھا

یہ بھی پڑھیں: اسلام اور خاندانی نظام کے خلاف جنگ جاری

واضع رہے کہ حکومت نے 16 ستمبر کو پیٹرول کی قیمت میں 26 روپے 2 پیسے فی لیٹر جبکہ ہائی اسپیڈ ڈیزل کی قیمت میں 17 روپے 34 پیسے فی لیٹر اضافہ کیا تھا۔