غزہ کے مشرق میں شہید فلسطینیوں کی تعداد 5 ہوگئی
فلسطین کی وزارت صحت نے اعلان کیا ہے کہ غزہ کے مشرقی علاقے میں ہونے والے حملے میں شہادتوں کی تعداد بڑھ کر پانچ ہو گئی ہے۔
یہ بھی پڑھیں: گرمی نے 74 سالہ ریکارڈ توڑ دیا
سنہ دو ہزار پانچ میں غاصب صیہونی حکومت کو غزہ سے نکال باہر کئے جانے کی اٹھارہویں سالگرہ کی مناست سے فلسطینی جوانوں نے بدھ کی شام غزہ کے مشرق میں واقع علاقے ملکہ میں مظاہرہ کیا۔
اس مظاہرے میں شریک فلسطینیوں پر غاصب صیہونی حکومت کے جارح فوجیوں نے فائرنگ کر دی جس میں پانچ فلسطینی شہید اور پچیس زخمی ہوگئے۔
فلسطین کی وزارت صحت کے ترجمان اشرف القدرہ نے بھی کہا ہے کہ صیہونی فوجیوں کی فائرنگ میں زخمی ہونے والے فلسطینیوں کو طبی مرکز منتقل کر دیا گیا۔
یہ بھی پڑھیں: ولادیمیرپوتین اورکیم جونگ اون کی روس میں ملاقات
دوسری جانب فلسطینی نو جوانوں او صیہونی فوجیوں کے درمیان غرب اردن میں بدھ کی رات جھڑپ ہونے کی خبر ہے۔ غرب اردن کے علاقے بیتا میں غاصب صیہونی حکومت کے فوجیوں اور فلسطینی جوانوں کے درمیان ہونے والی جھڑپ میں فلسطینیوں نے صیہونی فوجیوں کی ایک گاڑی کو نذر آتش کر دیا۔
