انڈس موٹرز نے پاکستان میں پیداوار2 ہفتے کیلئےبند کردی
یوتھ ویژن نیوز: انڈس موٹر نے بھی معاشی صورتحال کے سبب پیداواری سرگرمیاں 2 ہفتے کے لیے معطل کر دیں ہیں
انڈس موٹرز کمپنی نے اپنے اسٹاک فائلنگ میں بتایا کہ ملکی خراب معاشی حالات کے پیش نظر لوگوں کی قوت خرید شدید متاثرہوئی ہے اور قوت خرید میں کمی اور وفاقی حکومت کی جانب سے عائد کردہ اضافی ٹیکسز اور ڈیوٹیز کی وجہ سے گاڑیوں کی طلب میں مسلسل کمی ہو رہی ہے، پیداواری سرگرمیاں معطل کرنے کا فیصلہ کم گاڑیوں کی طلب اور انوینٹری کی کم ترین سطح کے سبب کیا گیا ہے۔
یہ بھی پڑھیں: معیشت کی بحالی سے قوم کو ثمرات ملیں گے
انڈس موٹر نےاپنی پیداواری سرگرمیاں اس سے پہلے 15 دن کیلئے 21 جولائی تا 3 اگست تک معطل کر دی تھیں،انڈس موٹرز نے رواں سال جولائی میں ایک ہزار 368 کاریں اور ایل سی ویز فروخت کیں، جبکہ اس ہی معدت میں گزشتہ سال جولائی 2022 میں یہ تعداد 2 ہزار 375 ریکارڈ کی گئی تھی۔
نگران حکومت کے دور میں پاک سوزوکی موٹر کمپنی لمیٹڈ پہلی کمپنی تھی، جس نے اسپیئر پارٹس کی قلت کے سبب 18 سے 31 اگست تک موٹرسائیکل پلانٹ بند کرنے کا اعلان کیا۔
رپورٹ میں بتایا گیا کہ 7 کروڑ 6 لاکھ ڈالر کے کمپلیٹلی ناک ڈاؤن کٹ (سی کے ڈی) کی درآمدات کی بعد سے رواں مہینے گاڑیوں کی پیداوار بہتر ہونے کی امید ہے، جون میں 4 کروڑ ڈالر جبکہ جولائی 2022 میں 6 کروڑ 70 لاکھ ڈالر کے سی کے ڈی درآمدات کیے گئے تھے۔
یہ بھی پڑھیں: لطیف کھوسہ کا وکلاء تحریک شروع کرنے کا اعلان
شرمین ریسرچ کا کہنا ہے کہ درآمدات پر پابندی میں نرمی کی وجہ سے سی کے ڈی کے درآمدی بل میں اضافہ دیکھنے کو ملا جو گزشتہ 8 ماہ میں کی جانے درآمدات میں سب سے زیادہ ہے۔پاکستان ایسوسی ایشن آف آٹو موٹیو پارٹس (پاپام) اور ایران کی آٹو پارٹس مینوفیکچرر ایسوسی ایشن (آئی اے پی ایم اے) نے بھی ٹیکنالوجیز، پارٹس اور خام مال کے تبادلے کے منصوبے کا اعلان کیا۔
