انتخابات کی تاریخ کا اعلان الیکشن کمیشن کرے گا،نگراں وفاقی وزیر اطلاعات مرتضیٰ سولنگی

یوتھ ویژن نیوز : انتخابات کی تاریخ کا اعلان الیکشن کمیشن کرے گا، نگراں حکومت کا اس میں کوئی کردار نہیں، نگراں وفاقی وزیر اطلاعات مرتضیٰ سولنگی کی ”سی این این“ سے گفتگو

نگراں وفاقی وزیر اطلاعات و نشریات مرتضیٰ سولنگی نے کہا ہے کہ بٹگرام چیئر لفٹ واقعہ کے متاثرین کو کامیابی سے ریسکیو کیا گیا، انتخابات کی تاریخ کا اعلان الیکشن کمیشن کرے گا، نگراں حکومت کا اس میں کوئی کردار نہیں، الیکشن کمیشن کو حلقہ بندیوں کے لئے کم از کم چار ماہ درکار ہیں، سیاسی جماعتوں کو 54 دن انتخابی مہم کے لئے بھی فراہم کرنے ہیں، انتخابات میں معمولی تاخیر ہو سکتی ہے، ہم نے اپنا کام شروع کر دیا ہے۔

یہ بھی پڑھیں: وفاقی محتسب نے صوبائی حکومتوں سے وفاقی محکموں کے بقایاجات کی ادائیگی کی درخواست کردی

نگراں وفاقی وزیر اطلاعات مرتضیٰ سولنگی نے بدھ کو ”سی این این انٹرنیشنل“ سے گفتگو کرتے ہوئے کہا چیئر لفٹ واقعہ سے متعلق سوال کے جواب میں نگراں وفاقی وزیر اطلاعات نے کہا کہ چیئر لفٹ واقعہ خیبر پختونخوا کے دور افتادہ علاقے بٹگرام میں پیش آیا جہاں ریسکیو کی کوششوں میں کافی مشکلات تھیں۔

ضلعی انتظامیہ کو جب واقعہ کی اطلاع ملی تو اس نے صوبائی اور وفاقی اتھارٹیز سے رابطہ کیا، آرمی ایوی ایشن، پاکستان ایئر فورس، پاکستان آرمی کے سپیشل سروس گروپ کے جوانوں اور جنرل آفیسر کمانڈنگ نے کامیابی سے ریسکیو آپریشن کو کامیاب بنایا اور تمام متاثرین کو بحفاظت نیچے اتارا۔ انہوں نے کہا کہ صوبائی حکومت نے تمام چیئر لفٹس کے تفصیلی معائنہ کے احکامات جاری کر دیئے ہیں، علاقے میں تمام چیئر لفٹس کا معائنہ کیا جا رہا ہے اور اس بات کو یقینی بنایا جا رہا ہے کہ ایسا واقعہ دوبارہ رونما نہ ہو۔ مرتضیٰ سولنگی نے کہا کہ یہ علاقے 2005 کے زلزلہ اور 2010 کے سیلاب سے شدید متاثر ہوئے، یہاں انفراسٹرکچر تباہ ہو چکا تھا، آپ سمجھ سکتے ہیں کہ موسمیاتی تبدیلی نے کس طرح اس علاقے کو متاثر کیا۔

یہ بھی پڑھیں: نگران حکومت کا بجلی کی تقسیم کارکمپنیوں کو صوبوں کی ملکیت میں دینے کا فیصلہ

الیکشن کے انعقاد سے متعلق سوال کے جواب میں نگراں وفاقی وزیر اطلاعات نے کہا کہ الیکشن کمیشن آف پاکستان آئینی ادارہ ہے جو انتخابات کے انعقاد کا ذمہ دار ہے، الیکشن کمیشن کو حلقہ بندیوں کے لئے کم از کم چار ماہ درکار ہیں، اس کے علاوہ سیاسی جماعتوں کو 54 دن انتخابی مہم کے لئے بھی فراہم کرنا ہوتے ہیں اس لئے الیکشن میں معمولی تاخیر ہو سکتی ہے۔ انہوں نے کہا کہ نگراں حکومت نے ایک ہفتہ قبل ہی چارج سنبھالا ہے، ہم نے اپنا کام شروع کر دیا ہے جبکہ الیکشن کمیشن نے پہلے ہی اپنا ٹائم ٹیبل جاری کر دیا ہے۔ انہوں نے کہا کہ انتخابات کی تاریخ کا اعلان الیکشن کمیشن کرے گا، اس میں نگراں حکومت کا کوئی کردار نہیں