نگران حکومت کا بجلی کی تقسیم کارکمپنیوں کو صوبوں کی ملکیت میں دینے کا فیصلہ
یوتھ ویژن نیوز : نگران وزیراعظم انوار الحق کاکڑ نے بجلی کی تقسیم کار کمپنیوں کو صوبوں کی ملکیت میں دینے کی سمری وفاقی کابینہ کو بھیجنےکی منظوری دے دی۔
وفاقی حکومت نے بجلی کی فروخت اور تقسیم کے ساتھ ٹیرف کا موجودہ نظام ختم کرنے کا فیصلہ کیا ہے، وزیراعظم کے فیصلے کے مطابق ملک بھر میں بجلی کا یکساں ٹیرف ختم، بجلی کے ریٹ اور سبسڈی کی ذمہ داری صوبائی حکومتوں کو منتقل کی جائے گی۔
یہ بھی پڑھیں: فافن کی جانب سے الیکشن کمیشن کو حلقہ بندیوں کیلئے تجاویز پیش
نگران وفاقی حکومت نے حیدر آباد اور سکھر کی الیکٹرک سپلائی کمپنی سندھ کی ملکیت میں دینے کا فیصلہ کیا ہے جبکہ کوئٹہ الیکٹرک کمپنی بلوچستان حکومت کی ملکیت میں دی جائے گی۔
اسی طرح وفاقی حکومت نےاور ملتان لاہور، گوجرنوالہ، فیصل آباد الیکٹرک سپلائی کمپنیوں کی ملکیت پنجاب کے حوالے کرنے کا فیصلہ کیا گیا ہے، اسلام آباد الیکٹرک سپلائی کمپنی کی ملکیت پنجاب اور وفاق کی مشترکہ طور پر ہو گی، پشاور اور ٹرائبل ایریا الیکٹرک سپلائی کمپنی کے پی کی ملکیت میں دی جائے گی
یہ بھی پڑھیں: وزارت قانون وانصاف کا صدرمملکت کے حالیہ ٹویٹ پرتشویش کا اظہار
دستاویز کے مطابق یہ بات بھی سامنے آئی ہے کہ تقسیم کار کمپنیوں کو صوبوں کے حوالے کرنے کا پالیسی فریم ورک تیار کر لیا گیا ہے، کمپینوں کی صبوبوں کی منتقلی کی بڑی وجہ یہ ہے کہ بجلی چوری، عدم وصولیوں کے باعث قومی خزانہ بوجھ اٹھانے کے قابل نہیں رہا
