پی ڈی ایم حکومت کو لانے کیلئے باقاعدہ بندوبست کیا گیا، نوازشریف کے پرنسپل سیکرٹری فواد حسن فواد کا انکشاف

حکومت کی یہ تبدیلی گلے پڑ گئی، سابق وزیر اعظم نواز شریف کے پرنسپل سیکرٹری فواد حسن فواد کا انکشاف

لاہور (اُردو پوائنٹ اخبارتازہ ترین۔ 10 اگست2023ء) کے مطابق “پی ڈی ایم حکومت کو لانے کیلئے باقاعدہ بندوبست کیا گیا، حکومت کی یہ تبدیلی گلے پڑ گئی”۔ تفصیلات کے مطابق سینئر صحافی و اینکر شہزاد اقبال نے جیو نیوز سے گفتگو کرتے ہوئے غیر ملکی میڈیا میں سائفر لیک ہونے کے معاملے پر ردعمل دیتے ہوئے کہا کہ ہم یہ کہتے رہے ہیں کہ عمران خان اپنی حکومت گرانے کے ذمے داران کا نام نہیں لے سکتے اسی لیے وہ سارا الزام امریکا پر ڈال رہے ہیں۔

یہ بھی پڑھیں: خانون: سمندری طوفان جنوبی کوریا کے جنوبی شہر بوسن سے ٹکرا گیا

جبکہ تحریک عدم اعتماد کے حوالے سے شہزاد اقبال نے مزید انکشاف کیا کہ سابق وزیر اعظم نواز شریف کے پرنسپل سیکرٹری رہنے والے فواد حسن فواد نے ایک تقریب کے دوران یہ کہا تھا کہ حکومت کی تبدیلی گلے پڑ گئی کیونکہ حالات بگڑ گئے، پی ڈی ایم حکومت کو لانے کیلئے باقاعدہ بندوبست کیا گیا تھا۔

شہزاد اقبال نے مزید کہا کہ جس تقریب میں فواد حسن فواد نے یہ بات کی، وہاں موجود صحافیوں نے بھی ان کی بات کی تائید کی تھی، یہ بھی ذہن میں رکھیں کہ فواد حسن فواد کو ن لیگ والے بہت معتبر مانتے ہیں۔

یہ بھی پڑھیںبیرون ملک جانےکیلئے پاسپورٹ بنوانےوالوں کا رش لگ گیا ،ہفتہ اور اتوار کو بھی پاسپورٹس کی چھپائی کا کام جاری

جبکہ اس حوالے سے تو خود ن لیگ کہتے رہی ہے کہ اسٹیبلیشمنٹ کے بغیر تو تحریک عدم اعتماد کامیاب ہی نہیں ہو سکتی۔ جب عمران خان کیخلاف تحریک عدم اعتماد لائی گئی تھی، تو اس کے ایک ماہ قبل ہی ن لیگ کے رہنما کہتے تھے کہ چونکہ اسٹیبلیشمنٹ کی مدد کے بغیر تحریک عدم اعتماد کامیاب نہیں ہو سکتی، اس لیے عمران خان کیخلاف عدم اعتماد کامیاب کروانا بہت مشکل ہے۔

جبکہ اس حوالے سے پیپلز پارٹی کے سابق سینیٹر مصطفٰی نواز کھوکھر نے اے آر وائی نیوز سے گفتگو کرتے ہوئے انکشاف کیا کہ فروری 2022 میں جب بلاول بھٹو نے انہیں بتایا کہ وہ اسلام آباد لانگ مارچ کرنے جا رہے ہیں تو یہ میرے لیے سرپرائز تھا، جب ان سے پوچھا کہ اس مارچ کا اختتام کیا ہو گا تو بلاول نے کہا کہ تحریک عدم اعتماد۔

یہ بھی پڑھیں: پنجاب حکومت نے گریڈ 18 کے 25 افسران کو گریڈ 19 میں ترقی دیدی، نوٹیفیکیشن جاری

مصطفٰی نواز کھوکھر نے دعوٰی کیا کہ اسٹیبلیشمنٹ کی مدد سے عمران خان کیخلاف تحریک انصاف اعتماد کامیاب ہوئی اور پی ڈی ایم کی حکومت وجود میں آئی۔