پٹرولیم مصنوعات کی قیمتوں میں 20 روپے کا بڑااضافہ، اظہر صدیق ایڈووکیٹ نے لاہورہائیکورٹ میں چیلنج کردیا
یوتھ ویژن نیوز : پٹرولیم مصنوعات کی قیمتوں میں20 روپے کا اضافہ لاہور ہائیکورٹ میں چیلنج کردیا گیا ہے۔
تفصیلات کے مطابق اظہر صدیق ایڈووکیٹ کی جانب سے دائر کی گئی درخواست میں وفاقی حکومت اور اوگرا سمیت دیگر حکام کو فریق بنایا گیا ہے۔
یہ بھی پڑھیں:مکہ مکرمہ میں خانہ کعبہ کےغسل کی تقریب کے دوران خانہ کعبہ کا دروازہ کھول دیا گیا
درخواست میں مؤقف اپنایا گیا کہ دنیا بھر میں پیٹرولیم مصنوعات کی قیمتوں میں کمی آ رہی ہےلیکن پاکستان میں پیٹرولیم مصنوعات کی قیمتوں میں اضافہ کردیا گیا۔
دائر درخواست میں استدعا کی گئی کہ پیٹرولیم مصنوعات کی قیمتوں میں حالیہ اضافہ کالعدم قرار دیا جائے۔
گزشتہ روز وزیر خزانہ اسحاق ڈار نے اعلان کیا تھا کہ پیٹرول کی قیمت میں 19 روپے 95 پیسے اضافہ کیا جارہا ہے، جس کے بعد پیٹرول کی نئی قیمت 272 روپے 95 پیسے ہوگی۔
یہ بھی پڑھیں: توہین الیکشن کمیشن کیس:الیکشن کمیشن نےعمران خان کو فرد جرم کیلئےطلب کر لیا
انہوں نے بتایا کہ ڈیزل کی قیمت میں 19 روپے 90 پیسے اضافہ کیا گیا ہے جبکہ ڈیزل کی قیمت میں اضافے کے بعد نئی قیمت 273 روپے 40 پیسے ہوگئی ہے۔
