پاکستان کو ترقی کرنے سے دنیا کی کوئی طاقت نہیں روک سکتی آرمی چیف

یوتھ ویژن نیوز :آرمی چیف جنرل عاصم منیرکاکہنا ہے کہ پاکستان نے ترقی کی منازل طے کرنی ہیں اور دنیا کی کوئی طاقت اس کو ترقی کرنے سے نہیں روک سکتی۔

اسلام آباد میں گرین پاکستان سیمینار سےخطاب کرتے ہوئے آرمی چیف جنرل عاصم منیر  کاکہنا تھاکہ ہم سب یہاں پاکستان کو ایک بار پھر سر سبز کرنے کیلئے جمع ہوئے ہیں ۔ پاکستان کو اللّٰہ نے بہت سی نعمتوں سے نوازا ہے ۔ ہم باصلاحیت قوم ہیں ضرورت صرف اس امر کی ہے کہ ہم مل کر اسکی ترقی میں حصہ ڈالیں۔ ہم پاکستان کی معاشی ترقی کیلئے بحیثیت ادارہ مکمل جانفشانی اور قلب و روح کے ساتھ اس مرحلہ کی تکمیل کیلئے ہر ممکنہ تعاون کا یقین دلاتے ہیں۔

آرمی چیف کا قرآن پاک کا حوالے دیتے ہوئے کہنا تھاکہ  اللہ کی رحمت سے مایوس نہ ہونا، اللہ کی رحمت سے صرف کافر مایوس ہوتے ہیں۔

 آرمی چیف جنرل عاصم منیر  کاکہنا تھاکہ مسلمانوں کیلئے دو ہی حالتیں ہیں جب اس پر مصیبت آتی ہے تو وہ صبر کرتا ہے جب خوشی ملتی ہے تو وہ شکر ادا کرتا ہے۔ ہمارے پاس ہر طرح کا Potential موجود ہے جو پاکستان کو عروج پر لے جاسکتا ہے۔ مسلمان کے لیے نا امیدی کفر ہے۔