پیرس نمائش ،پاکستانی ٹیکسٹائل برآمدکنندگان کے لیے سنہری موقع

یوتھ ویژن نیوز : پیرس میں ہونے والی ٹیکس ورلڈ ایکسپو میں پاکستانی کمپنیوں نے فیبرک، گامنٹس اور لیدر کی مصنوعات کی نمائش کی ، اس ایکسپو کے بعد پاکستانی ٹیکسٹائل برآمدکنندگان کو بڑے پیمانے پرآرڈرز ملنے کی توقع ہے۔

ٹیکس ورلڈ ایکسپو میں 30 سے زائد پاکستانی ٹیکسٹائل اور لیدر مصنوعات بنانے والی کمپنیوں نے شرکت کی۔ یورپی کمپنیوں کے نمائندوں نے پاکستانی لیدراورٹیکسٹائل مصنوعات میں کافی دلچسپی ظاہر کی۔

اس کے علاوہ نمائش میں 26 ممالک سے تعلق رکھنے والے 1,350 نمائش کنندگان نے بھی شرکت کرکے اپنی مصنوعات کی نمائش کی۔

نمائش میں لگائے گئے پاکستانی اسٹالز پر برطانیہ، امریکا، ترکی، جرمنی، فرانس اور دیگر یورپی اور وسطی ایشیائی ممالک سے تجارتی نمائندوں نے معلومات حاصل کیں۔