امن وامان کی صورتحال،سکولز بند،امتحانات ملتوی
یوتھ ویژن نیوز : ملک میں امن وامان کی صورتحال کے باعث پرائیویٹ سکولز ایسوسی ایشن نے کل (بروز بدھ)ملک بھر میں پرائیویٹ سکولز بند رکھنے کا اعلان کردیا۔کیمرج کے امتحانات ملتوی کردیئے گئے۔
صدر آل پاکستان پرائیویٹ سکولز ایسوسی ایشن کاشف مرزاکاکہنا ہے کہ ملک میں امن وامان کی کشیدہ ،ہنگامی صورتحال کے باعث پرائیویٹ سکولز کل (بروز بدھ )بند رکھیں جائیں گے۔اگلے لائحہ عمل کا اعلان صورتحال کو دیکھ کر کیا جائے گا۔
واضح رہے کہ چیئرمین تحریک انصاف عمران خان کی اسلام آباد ہائیکورٹ کے احاطے سے گرفتاری کے بعد ملک بھر میں تحریک انصاف کے کارکنوں کی جانب سے احتجاج کا سلسلہ جاری ہے ۔جس کے باعث سکولوں میں کل چھٹی کا اعلان کیاگیا۔
برٹش کونسل نےپاکستان کی موجودہ کشیدہ صورتحال کے باعث کل (10مئی) کوصبح اورشام کے اوقات میں کیمرج کے ہونیوالے امتحانات منسوخ کردیئے۔منسوخ کئے جانیوالے امتحان کی نئی تاریخ کا اعلان بعد میں کیا جائے گا۔
