لو میرج کرنی ہے ارینج میرج؟ نئی نسل کا رجحان کس طرف؟
یوتھ ویژن نیوز: حالیہ سروے کے مطابق گزشتہ کچھ سالوں میں ارینج میریج کا تناسب 24 فیصد گھٹ گیا ہے۔
رپورٹ کے مطابق پہلے دورمیں شادی کے لیے شریک حیات کی تلاش خاندان کے لوگ کرتے تھے جسے ارینج میریج کہا جاتا ہے جس میں لڑکا یا لڑکی کے لیے شریک حیات کو خاندان پسند کرتا ہے۔ارینج میریج میں زیادہ تر دولہا اور دلہن ایک دوسرے کو پہلے سے نہیں جانتے اور دو اجنبی ایک ہوتے ہیں۔
گزشتہ کچھ سالوں میں لو میریج کا ٹرینڈ بڑھ گیا ہے۔ لو میریج لڑکے لڑکی کی اپنی مرضی سے شادی کو کہا جاتا ہے ۔لو میریج یعنی محبت کی شادی نام سے ہی واضح ہے اس طرح کی شادی میں لڑکا یا لڑکی اپنا شریک حیات خود تلاش کرتے ہیں، ایک دوسرے کو اچھے سے جان سمجھ کر شادی کرتے ہیں۔
ارینج میریج ہو یا لو میریج، دونوں کے ہی اپنے فائدے ہیں۔ حال ہی میں ایک سروے ہوا، جس میں پتہ چلا ہے کہ گزشتہ کچھ سالوں میں ارینج میریج کا تناسب 24 فیصد گھٹ گیا ہے۔
اس سروے کے مطابق 2020 میں 68 فیصد کپل نے ارینج میریج کی تھی لیکن 2023 میں محض 44 فیصد نئے جوڑوں کی شادی ارینج تھی۔ یعنی ارینج میریج کے اعدادوشمار میں تین سالوں کے اندر 24 فیصد کی گراوٹ درج کی گئی ہے۔
ایک رپورٹ کے مطابق مڈل اور لوئر مڈل کلاس لو میریج کو آسانی سے قبول کررہی ہے۔محبت کی شادی کرنے والے جوڑے اب ارینج کی طرح ہی پورے طور طریقے سے شادی کررہے ہیں۔وہیں شادی کرانے والی کمپنیوں نے ٹرینڈ کے مطابق خود کو ڈھال لیا ہے۔ ایسے میں شادی کا منصوبہ بنا رہے جوڑے آج کے دور میں آن لائن وسائل کا زیادہ استعمال کرنے لگے ہیں۔وہ شادی کے بجٹ سے لے کر وینڈر تلاش کرنے کا تک کا سارا کام آن لائن کرنے لگے ہیں۔
