بہاولپورمیں نجی گرلز ہاسٹل کی بوسیدہ عمارت کی چھت گرگئی،2 طالبات جاں بحق
بھاولپور (عمران قذافی سے ) ضلعی انتظامیہ کی نااہلی کے باعث نجی گرلز ہاسٹل کی بوسیدہ چھت گرگئی2 طالبات جاں بحق دوشدیدزخمی ریسکیو1122 کی ٹیمیں موقع پرپہنچ گئیں ۔
ڈپٹی کمشنر سانحہ کی اطلاع کے باوجود بھی موقع پرنہ آئے شہریوں کی طرف سے شدیدغم وغصہ کااظہار، واقعہ کوڈی سی کی نااہلی قراردے کرکاروائی کامطالبہ کردیا، ڈی پی اونے مالک مکان کیخلاف قتل کامقدمہ درج کرنے کاحکم دیدیا، بوسیدہ عمارتوں بارے ڈی سی کوتحریری طورپرآگاہ کرچکے ہیں ہم ایسے مکان مالکان کیخلاف صرف کرایہ داری نہ رکھنے کی کاروائی کااختیاررکھتے ہیں ،ڈی پی اوسیدمحمدعباس کی میڈیاسے گفتگو۔تفصیلات کے مطابق گزشتہ روز تقریباساڑھے گیارہ بجے ریاض کالونی بہاولپورمیں قائم حسین گرلز ہاسٹل کی تیسری منزل کی اچانک چھت گری تودوسری منزل کی چھت بھی زمین بوس ہوگئی جس کے نتیجہ میں دوطالبات شہلا منوردختر محمدمنور بعمری21 سالہ ماجدہ اقبال دخترمحمداقبال بعمری21 سالہ ساکنان چک نمبر172 مراد چشتیاں چھت کے ملبے کے نیچے آکر جاں بحق ہوگئیں جبکہ دیگردوطالبات فائزہ دخترمحمداقبال عائشہ نواز دختر محمدنوازساکنان چشتیاں شدیدزخمی ہوگئیں واقعہ کی اطلاع ملتے ہی ریسکیو1122 مقامی پولیس اورڈی پی اوسیدمحمدعباس موقع پرپہنچ گئے جبکہ اے سی سٹی جن کادفترپانچ منٹ کے فاصلے پر ہے ایک گھنٹہ بعدجبکہ ڈپٹی کمشنر ظہیرانورچبہ نے موقع پرجاناگوارہ ہی نہ کیا وہاں پرموجودطالبات نے بتایاکہ اس10 مرلہ کے بوسیدہ مکان میں پچاس کے قریب طالبات مقیم ہیں چھٹی کی وجہ سے اکثرطالبات اپنے گھروں کوگئی ہوئی تھیں صرف8 طالبات موقع پرموجود تھیں جن میں سے چارطالبات محفوظ رہیں انہوں نے بتایاکہ مکان کی تیسری منزل پربہت بڑی پانی کی ٹینکی رکھی ہوئی ہیں جواکثرلیک رہتی تھی اس کی شکایت متعدد مرتبہ مالک مکان عبدالستار کوکی گئی تھی اس کے باوجودکوئی نوٹس نہ لیاگیااس موقع پرموجودہ ڈی پی اوسیدمحمدعباس نے میڈیاکوبتایاکہ شہرکے تمام ہوسٹلز کی بوسیدہ عمارتوں کاسروے کرکے رپورٹ ڈی سی اوکوبھجوادی ہے۔ ذرائع کاکہناہے کہ بہاولپورشہرکی درجنوں نجی عمارتوں میں مالکان نے غیرقانونی ہوسٹلز بناکرمعصوم طالبات کی زندگیوں سے کھیلواڑ شروع کررکھاہے !