بابراعظم قومی ٹیم کی کپتانی فارغ؟ نیے کپتان کا نام بھی سامنےآگیا
یوتھ ویژن نیوز: چیئرمین پی سی بی منیجمنٹ کمیٹی نجم سیٹھی نے بابر اعظم کی جگہ شاہین آفریدی کو کپتانی کی پیشکش کی جسے انہوں نے قبول کرلیا ہے۔
افغانستان کیخلاف سیریز سے قبل پاکستانی ٹیم میں اختلافات کھل کر سامنے آگئے۔ پاکستان کرکٹ بورڈ کی منجمنٹ کمیٹی کے سربراہ نجم سیٹھی نے فاسٹ باؤلر شاہین شاہ آفریدی کو ٹیلیفون کیا ۔
یہ بھی پڑھین: عمرے پرجانےکیلئےطریقہ کارتبدیل
دونوں کے درمیان افغانستان سیریزسے متعلق تبادلہ خیال کیا۔ اس موقع پر نجم سیٹھی نے شاہین شاہ آفریدی کو بابر اعظم کو آرام دینے سے متعلق آگاہ کیا اور انہیں سیریز کے دوران کپتانی کی پیشکش کی ، شاہین شاہ آفریدی کی جانب سے نجم سیٹھی کی پیشکش قبول کرلی گئی ہے ۔
نجم سیٹھی کا کہنا ہے کہ افغانستان کے خلاف سیریز میں صائم ایوب سمیت دیگر نئے کھلاڑیوں کو موقع دیا جائے گا۔
واضح رہے کہ افغانستان کیخلاف ٹی ٹونٹی سیریز کیلئے پاکستانی ٹیم کا اعلان کل کیا جائے گا تاہم سکواڈ اعلان سے قبل ہی ممکنہ تنازعات سامنے آنے کا خدشہ ہے۔
ذرائع کے مطابق سلیکشن کمیٹی نے بابر اعظم، رضوان اور حارث کو آرام دینے کی سفارش کی ہے تاہم بابر اور محمد رضوان ریسٹ کرنے کے حق میں نہیں ہیں جس کے سبب قومی اسکواڈ کے اعلان سے پہلے ہی تنازع اور اختلافات سامنے آ سکتے ہیں۔
یہ بھی پڑھیں: لاہورسےامدادی سامان کی دوسری خصوصی کارگوفلائٹ ترکیہ روانہ
یاد رہے کہ افغانستان کرکٹ بورڈ نے پاکستان کے ساتھ 3 ٹی ٹونٹی میچوں کی ہوم سیریز کے شیڈول کا اعلان کر رکھا ہے جو 25 مارچ سے شارجہ میں شروع ہو گی، دوسرا میچ 27 جبکہ تیسرا میچ 29 مارچ کو کھیلا جائے گا۔
