اسلامیہ یونیورسٹی بہاول پور کے زیر اہتمام دسویں بین الاقوامی سیرت النبی ﷺکانفرنس کا انِقعاد وہیل چیئر ایشیا کپ: سری لنکن ٹیم کی فتح حکومت کا نیب ترمیمی بل کیس کے فیصلے پر نظرثانی اور اپیل کرنے کا فیصلہ واٹس ایپ کا ایک نیا AI پر مبنی فیچر سامنے آگیا ۔ جناح اسپتال میں 34 سالہ شخص کی پہلی کامیاب روبوٹک سرجری پی ایس او اور پی آئی اے کے درمیان اہم مذاکراتی پیش رفت۔ تحریِک انصاف کی اہم شخصیات سیاست چھوڑ گئ- قومی بچت کا سرٹیفکیٹ CDNS کا ٹاسک مکمل ۔ سپریم کورٹ پریکٹس اینڈ پروسیجر ایکٹ کے خلاف دائر درخواستوں پر آج سماعت ہو گی ۔ نائیجیریا ایک بے قابو خناق کی وبا کا سامنا کر رہا ہے۔ انڈونیشیا میں پہلی ’بلٹ ٹرین‘ نے سروس شروع کر دی ہے۔ وزیر اعظم نے لیفٹیننٹ جنرل منیرافسر کوبطورچیئرمین نادرا تقرر کرنے منظوری دے دی  ترکی کے دارالحکومت انقرہ میں وزارت داخلہ کے قریب خودکش حملہ- سونے کی قیمت میں 36 ہزار روپے تک گر گئی۔ دنیا کے لیے بد صورت ترین مگر اپنے وقت کے بہترین کردار ضیاء محی الدین کی پہلی برسی "کپاس کی کاشت میں انقلابی تبدیلی وزیراعظم نے انتخابی نتائج میں تاخیر کے الزامات مسترد کر دیے بلوچستان کے علاقے پشین، قلعہ سیف اللہ میں دو بم دھماکے20 افراد جاں بحق جماعت اسلامی نے انتخابات میں دھاندلی کی صورت میں سخت مزاحمت کا انتباہ دے دیا کیا پی ٹی آئی خیبرپختونخوا کا قلعہ برقرار رکھ سکے گی؟ کراچی میں الیکشن کے انتظامات مکمل پی ٹی آئی کا 5 فروری کو نئے انٹرا پارٹی انتخابات کرانے کا اعلان الیکشن کمیشن نے 8 فروری کو عام تعطیل کا اعلان کر دیا

چاند دیکھنے کے نام پہ پر تکلف کھانے، سوشل میڈیا پرشدید ردعمل کے بعد نوٹیفکیشن واپس

یوتھ ویژن نیوز: صوبہ خیبرپختوانخوا میں رمضان المبارک کا چاند دیکھنے کے لیے منعقد ہونے والے رویت ہلال کمیٹی کے اجلاس کے دوران پرتکلف کھانوں کے لیے جاری کیا جانے والا نو ٹی فکیشن واپس لے لیا گیا۔

پرتکلف کھانوں کے لیے جاری کیا جانے والا نو ٹی فکیشن اس وقت واپس لیا گیا جب اس حوالے سے سماجی رابطوں کی ویب سائٹس پر صارفین کی جانب سے شدید ردعمل سامنے آیا۔

ویب سائٹ کے مطابق صوبائی محکمہ اوقاف کی جانب سے 22 مارچ کو بلائے جانے والے اجلاس کے لیے 100 وی آئی پی اور 100 عام افراد کے لیے پرتکلف کھانوں کا آرڈر دیا گیا تھا۔

وی آئی پی افراد کے لیے جن کھانوں کا آرڈر دیا گیا تھا ان میں دم پخت، بیف والے نارنجی چاول، مکس سبزی، چکن تکہ بوٹی، نان، سیخ کباب، رشین سلاد، تازہ سلاد، حلوہ، منرل واٹر اور کولڈ ڈرنکس شامل تھے۔

رویت ہلال کمیٹی کے منعقد ہونے والے اجلاس میں شریک عام افراد کے لیے بھی جن کھانوں کا آرڈر جاری ہوا تھا ان میں بیف والے نارنجی چاول، چکن کری، مکس سبزی، حلوہ، نان اور کولڈ ڈرنکس شامل کیے گئے تھے۔

دلچسپ امر ہے کہ اسی اجلاس کے استقبالیہ کے لیے بلیک ٹی، پیسٹری، پیٹیز، سینڈوچ اور بسکٹ بھی منگوائے جانے تھے۔

اردو نیوز کے مطابق نوٹیفیکیشن کے منظر عام پر آنے کے بعد خیبر پختونخوا کی صوبائی وزارت مذہبی امور کی جانب سے نوٹیفیکیشن کو فوری طور پر واپس لینے کا حکم دے دیا گیا ہے جب کہ متعلقہ وزیر نے ٹینڈر نوٹس کو فوری طور پر واپس لینے کا حکم دیتے ہوئے آئندہ 12 گھنٹوں میں رپورٹ بھی طلب کر لی ہے۔

واضح رہے کہ سوشل میڈیا صارفین کی جانب سے جاری کردہ نوٹی فکیشن پر سخت ردعمل بھی سامنے آرہا ہے اور ناراضگی بھرے تبصروں کا سلسلہ جاری ہے۔

سوشل میڈیا صارف اور صحافی عمر قریشی نے اس حوالے سے سماجی رابطوں کی ویب سائٹ پر جاری کردہ ٹوئٹ پیغام میں لکھا ہے کہ واہ واہ، کیا بات ہے خیبرپختونخوا کی رویت ہلال کمیٹی کی؟

سوشل میڈیا صارف فرقان صدیقی نے اسی ضمن میں لکھا ہے کہ یہ ہے سوشل میڈیا کی طاقت، خیبرپختونخوا کی حکومت نے رویت ہلال کمیٹی کے اجلاس میں پرتکلف عشائیے کا ٹینڈر واپس لے لیا ہے۔

واضح رہے کہ چاند دیکھنے کے لیے منعقد ہونے والے شرکائے اجلاس کی خاطر مدارت کے لیے پر تکلف کھانوں کا آرڈر ایک ایسے وقت میں دیا گیا تھا کہ جب بڑھتی ہوئی مہنگائی و غربت نے عوام کو شدید پریشانی و تکلیف میں مبتلا کر رکھا ہے اور ان کے لیے دال روٹی کا حصول بھی جوئے شیر لانے کے مترادف بن چکا ہے۔

50% LikesVS
50% Dislikes
WP Twitter Auto Publish Powered By : XYZScripts.com