پی ایس ایل 8 : کوئیٹہ گلیڈی ایٹرز کے کپتان سرفراز احمد زخمی ہوگئے
یوتھ ویژن نیوز: پی ایس ایل 8میں کراچی کنگز کیخلاف میچ میں کوئٹہ گلیڈی ایٹرز کے کپتان سرفراز احمد زخمی ہوگئے۔
تفصیلات کے مطابق میچ کے دوران زخمی ہونے پر سرفراز احمد دوران میچ کیپنگ چھوڑ کر باہر چلےگئے۔سرفراز احمد کی عدم موجودگی میں محمد نواز کپتانی کر رہے ہیں۔
یہ بھی پڑھیں: جوبائیڈن انتظامیہ اورپی ٹی آئی کےتعلقات میں بہتری کا امکان
واضح رہے کہ پاکستان سپر لیگ 8 کے میچ میں کراچی کنگز نے کوئٹہ گلیڈی ایٹرز کو جیت کیلئے 165 رنز کا ہدف دیدیا۔ ایڈم روزنگٹن 69 رنز بنا کر نمایاں رہے، اختتامی اوورز میں عماد وسیم اور عامر یامین نے جارحانہ بیٹنگ کی۔
راولپنڈی میں کھیلے جارہے پی ایس ایل 8 کے 22 ویں میچ میں کوئٹہ گلیڈی ایٹرز نے ٹاس جیت کر کراچی کنگز کو بیٹنگ کی دعوت دی۔ کراچی کنگز نے مقررہ 20 اوورز میں 6 وکٹوں کے نقصان پر 164 رنز بنا دیئے۔
یہ بھی پڑھیں: ن لیگ دو حصوں تقسیم، متعدد ارکان پی ٹی آئی میں شامل
کراچی کنگز کو پہلی ہی گیند پر میتھیو ویڈ کی وکٹ کی صورت میں بڑا جھٹکا لگا تاہم ایڈم روزنگٹن نے شاندار بیٹن کی اور 45 گیندوں پر 10 چوکوں اور ایک چھکے کی مدد سے 69 رنز بنا ڈالے، عماد وسیم نے 30 رنز بنائے، عامر یامین نے 11 گیندوں پر 2 چھکوں اور ایک چوکے کی مدد سے 23 رنز بنا ڈالے۔
