مارچ ستم گرہوسکتا ہے،محکمہ موسمیات نے خبردارکردیا
یوتھ ویژن نیوز : مارچ میں ہیٹ ویوز کاخدشہ،محکمہ موسمیات نے خبردارکردیا
محکمہ موسمیات نے خبردار کیا کہ مارچ ،اپریل اور مئی کے دوران شدید گرمی کے ساتھ ساتھ ہیٹ ویوز آنے کے امکانات زیادہ ہیں۔
محکمہ موسمیات نے رواں سال مارچ، اپریل اور مئی کا موسمیاتی جائزہ جاری کر دیا۔
ملک کے بیشتر حصوں میں بارشیں معمول کے مطابق رہنے کا امکان ہے جبکہ خیبر پختون خوا کے شمالی علاقوں اور گلگت بلتستان کے بیشتر علاقوں میں معمول سے قدرے کم بارشوں کا امکان ہے۔
ملک کے بیشتر علاقوں میں دن اور رات کا درجہ حرارت معمول کے اوسط درجہ حرارت سے زائد رہنے کا امکان ہے۔
ترجمان کے مطابق حالیہ آنے والے مہینوں میں گرمی میں اضافے کے امکان کے باعث ربیع کی فصلیں جلد پک سکتی ہیں جبکہ خریف کی کھڑی فصلوں کے لیے اضافی پانی کی ضرورت پڑ سکتی ہے۔درجہ حرارت میں اضافے اور خشک موسم سے اسلام آباد اور لاہور میں پولن سیزن جلد شروع ہوسکتا ہے۔
محکمہ موسمیات کا مزید کہنا تھا کہ موجودہ ماحولیاتی صورتحال میدانی علاقوں میں ہیٹ ویو کے آغاز کی نشاندہی کر رہا ہے۔
