بھارتی اداکار نواز الدین صدیقی نے بیوی، بچوں کو گھر سے نکال دیا

یوتھ ویژن نیوز : بالی ووڈ کے معروف اداکار نواز الدین صدیقی نے اپنی بیوی اور بچوں کو گھر سے نکال دیا۔

ویڈیو اینڈ فوٹو شیرئنگ ایپ انسٹاگرام سے جاری ویڈیو میں نواز الدین کی اہلیہ  نے یہ دعویٰ کیا ہے کہ ان کے شوہر نے انہیں بچوں سمیت گھر سے نکال دیا ہے۔

ویڈیو میں دیکھا جا سکتا ہے کہ نواز الدین کی بڑی بیٹی زار وقطار رو رہی ہوتی ہیں جب کہ ان کی بیوی عالیہ کہتی ہیں کہ میری بیٹی بہت رو رہی ہے اور ہم بہت پریشان ہیں۔ ہم نوازالدین صدیقی کو کبھی معاف نہیں کریں گی۔

انہوں نے مزید بتایا کہ ان کے پاس صرف 81 بھارتی روپے موجود ہیں اور انہیں سمجھ نہیں آرہا ہے کہ وہ بچوں کو لے کر کہاں جائیں نہ ان کے پاس ہوٹل میں قیام کرنے کے پیسے ہیں نہ ہی گھر ہے۔

دوسری جانب اس ویڈیو پر اپنا ردِعمل دیتے ہوئے نوازالدین صدیقی نے عالیہ کی جانب سے لگائے گئے ان الزامات کی تردید کی ہے۔