اسلام امن او رسلامتی کا دین،انتہا پسندی،فرقہ واریت او ردہشت گردی جیسی قبیح برائیوں کی اسلام میں کوئی گنجائش نہیں عثمان بزدار

لاہور(واصب ابراہیم غوری سے ):وزیراعلیٰ پنجاب سردار عثمان بزدار نے کہا ہے کہ اسلام امن او رسلامتی کا دین ہے-انتہا پسندی،فرقہ واریت او ردہشت گردی جیسی قبیح برائیوں کی اسلام میں کوئی گنجائش نہیں -غیر ملکی شہری کو زندہ جلانا گھناؤنا فعل ہے جس پر ہر آنکھ اشکبارہے-کسی کو یہ حق نہیں پہنچتا کہ وہ قانون ہاتھ میں لے-انہوں نے کہا کہ سیالکوٹ واقعہ میں ملوث عناصر نے پاکستان کے امیج کو بے پناہ نقصان پہنچایاہے اوراس واقعہ سے انسانیت کا سرشرم سے جھک گیا ہے۔واقعہ میں ملوث ملزمان کو قانون کے کٹہرے میں لائیں گے اوربربریت کا مظاہرہ کرنے والے درندوں کو قرار واقعی سزا دلائی جائے گی-