وفاقی وزراکےغیرملکی دوروں کے اخراجات کی تفصیلات قومی اسمبلی میں پیش
یوتھ ویژن نیوز : وفاقی وزراکے غیرملکی دوروں کی تفصیلات قومی اسمبلی اجلاس میں پیش کردی گئیں۔غیرملکی دوروں پر سب سے زیادہ خرچہ وفاقی وزیر صحت قادر پٹیل نے کیا۔
قومی اسمبلی کے اجلاس میں وقفہ سوالات کے دوران کابینہ ڈویژن کی طرف سے تحریری جواب میں بتایا گیا کہ غیر ملکی مہمانوں کے پروٹوکول سکواڈ کیلئے 8 نئی گاڑیاں خریدی گئی ہیں،
یہ بھی پڑھیں: ڈالر کی اونچی اڑان، پیٹرولیم مصنوعات کی قیمتوں میں اضافے کاامکان
غیر ملکی مہمانوں کے پروٹوکول کیلئے 5 کروڑ 73 لاکھ مالیت کی گاڑیاں خریدی ہیں، غیر ملکی مہمانوں کیلئے 1800 سی سی چھ گاڑیاں خریدی ہیں۔
تفصیلات کے مطابق 25 وفاقی وزرا، وزرائے مملکت نے 2022 میں غیر ملکی دورے کئے۔وفاقی وزراء، وزرائے مملکت کے دوروں پر 6 کروڑ 5211504 روپے اخراجات آئے۔
وفاقی وزرا میں سے سب سے زیادہ وفاقی وزیر صحت قادر پٹیل کے بیرون ملک دوروں پر 1 کروڑ 4 لاکھ 20163 روپے اخراجات آئے۔
وزیرخزانہ اسحاق ڈار کے غیر ملکی دوروں پر 2491289 روپے اخراجات آئے ہیں۔
سابق وزیرخزانہ مفتاح اسماعیل کے غیر ملکی دوروں پر 4569160 روپے اخراجات آئے ہیں۔
وزیراطلاعات و نشریات مریم اورنگزیب کے غیر ملکی دورے پر 649157 روپے اخراجات آئے
