بھر دو جھولی میری یا محمد کے خالق پرنم آلہ آبادی ایوارڈ تقریب
یوتھ ویژن نیوز (نبیلہ اکبر) لاہور میں گزشتہ شب پلاک میں ،،بھردو جھولی مری یا محمد ،،کے خالق حضرت پرنم الہ آبادی کی چودویں برسی کے موقع پر عظیم الشان محفل سماع اور تقسیم ایوارڈ "پرنم ایوارڈ” کی تقریب کاانعقاد کیاگیا۔ پنجابی کلچر پلاک ہال نمبر 1میں بھر پور انداز میں مکمل عقیدت کے ساتھ منائی گئی۔ تقریب کی صدارت ملک کے نامور مذہبی سکالرز جسٹس ریٹائرڈ نذیر احمد غازی صاحب نے کی مہمانان خصوصی مصنف ہدایت کار سید نور ،راشد محمود ،ڈاکٹر صغریٰ صدف ،اقبال راہی ،نظامت کے فرائض ڈاکٹر عمر عادل نے ادا کئے اس کے تقریب کا آغاز تلاوت کلام پاک سے ہوااس کے بعد معروف ثنا خواں اکرم قلندری نے استاد پرنم کی نعت پڑھ کر سماں باندھ دیا بزم پرنم کے چئیرمن اقبال پیام نے مہمانوں کا شکریہ ادا کیا اور سپاس نامہ پیش کیا۔ اس عزم کا اظہار کیا استاد پرنم کے مشن کو ہمیشہ جاری رکھوں گا تمام مہمانوں نے استاد کی شخصیت اور شاعری پر اور اقبال پیام کی کاوشوں کو سراہا اور نذیر احمد غازی صاحب نے اقبال پیام کی دستار بندی کی اور پرنم الہ آبادی کاجانشن مقرر کیا۔ تقریب کے دوران نامور گلوکار استاد حامد علی خان ،عدیل برکی ،میگھا، ،نایاب حامد علی خان ،زیبا سحر ،استاد پرنم اور اقبال پیام کا کلام سناکر تقریب کےحسن کو دوبالا کردیا اور چار چاند لگا دیے اور "پرنم ایوارڈز” سے بھی نوازا گیا۔ مختلف شعبہ ہائے زندگی سے تعلق رکھنے والے نگینوں کو شیلڈز اور ایوارڈز سے نوازا۔ افتخار خان(مشعل) چیرمین پاکستان میڈیا رائٹرز کلب، ندیم نظر، محمد شعیب مرزا، ڈاکٹر تنویر سرور، اقبال راہی کو ادبی و صحافتی خدمات پر "پرنم ایوارڈز” سے نوازا گیا۔ دعائے خیر کے بعد لنگر تقسیم کیا گیا.