شام اور ترکیہ کو ہر طرح کی امداد فراہم کرنے کے لئے تیار ہیں: ایران
یوتھ ویژن نیوز (مظہر چشتی سے )اسلامی جمہوریہ ایران نے ترکیہ اور شام کی حکومتوں اور عوام کے ساتھ ہمدردی کا اظہار کیا ہے۔
اسلامی جمہوریہ ایران کی وزارت خارجہ کے ترجمان ناصر کنعانی نے دوست، ہمسایہ اور برادر مسلمان ممالک ترکیہ اور شام میں پیش آنے والے زلزلے کی بعض علاقوں میں وسیع اور خوفناک تباہ کاری پر اظہار افسوس کرتے ہوئے انقرہ اور دمشق کی حکومت اور ان ممالک کے عوام کے ساتھ شانہ بشانہ کھڑے رہنے کا اعلان کیا۔ انہوں نے واقعے کے متاثرین کے ساتھ ہمدردی کا بھی اظہار کیا۔
یہ بھی پڑھیں: ترکیہ اور شام میں 7.8 شدت کے زلزلے سے تباہی، اموات 2300 سے متجاوز، سیکڑوں عمارتیں زمین بوس
اسلامی جہموریہ ایران کی وزارت خارجہ کے ترجمان نے کہا کہ ایران کی حکومت ترکیہ اور شام میں زلزلے سے متاثرین کے لئے ہرممکن مدد کرنے کے لئے تیار ہے۔ انہوں نے کہا کہ دونوں ملکوں سے ایران کے گہرے دوستانہ تعلقات ہیں اور ضرورت پڑنے پر ایران دونوں ہی ملکوں کی ہر طرح کی مدد کرنے کے لئے تیار ہے۔
واضح رہے کہ شام اور ترکیہ میں آنے والے شدید زلزلے سے دونوں ممالی میں مجموعی اموات 1472 ہو گئیں جبکہ ایک بڑی تعداد ابھی بھی ملبے تلے دبی ہوئی ہے۔
ترکیہ میں آئے زلزلے سے اموات کی تعداد 1014 ہو گئی ہے۔ شام میں زلزلے سے اموات 592 سے زائد جبکہ زخمیوں کی تعداد 600 سے تجاوز کر چکی ہے۔
زلزلے سے ترکیہ میں زخمی ہونے والوں کی تعداد 5383 تک جا پہنچی ہے جبکہ 1710 مکانات مکمل طور پر تباہ ہو گۓ ہیں۔
یہ بھی پڑھیں: تحریک انصاف نےپنجاب میں ٹرانسفرز،پوسٹنگ روکوانے کیلئےہائیکورٹ سےرجوع کرلیا
زلزلے کے بعد غازیانتپ اور حاطے ایئر پورٹ پر سول پروازیں معطل کر دی گئی
