ٹیلی نار برائے فروخت؛ صارفین کے ڈیٹا اور ملازمین کے حقوق کا تحفظ کریں گے. آئی ٹی وزیر امین الحق
یوتھ ویژن نیوز ( ویب ڈسک )وفاقی وزیر آئی ٹی سید امین الحق نے ملک کی بڑی ٹیلی کام کمپنی ٹیلی نار کی فروخت کی تصدیق کرتے ہوئے کہا کہ صارفین کے ڈیٹا اور ملازمین کے حقوق کا تحفظ کریں گے۔
یہ بھی پڑھیں: مہنگائی کی شرح 47 سال کی بلند ترین سطح پر پہنچ گئی
اسلام أباد میں انٹرنیٹ گورننس کے حوالے سے منقدہ تقریب سے خطاب کے دوران وزیر آئی ٹی آمین الحق کا کہنا تھا کہ ٹیلی نار کے حوالے سے نان بائنڈنگ آفر موجود ہے وزارت آئى ٹى ان تمام معاملات کو ديکھ رہى ہے صارفین کے حقوق کا تحفظ کرنا ہمارى پہلی ترجیح ہے۔ ملازمین کے مسائل اور سروس کے معیار پر کوئى سمجھوتا نہیں کيا جائے گا۔
وفاقی وزیر نے کہا کہ ہر گزرتے دن کے ساتھ سیاسی بے چینی بڑھ رہی ہے ۔ آئندہ عام انتخابات اکتوبر 2023 میں ہوں گے۔ پاور بلیک آؤٹ کے حوالے سے سائبر حملے سے متعلق وزارت توانائی نے آئی ٹی سے کوئی رابطہ نہیں کیا۔
امین الحق نے سابق وزیراعظم عمران خان کو مشورہ دیتے ہوئے کہا کہ آئین اور قانون کے مطابق سیاسی جدوجہد کریں، ریڈ لائن عبور نہ کریں۔
ٹیلی نار نے پاکستان میں 2005میں اپنی خدمات فراہم کرنے کا آغاز کیا تھا، کمپنی کو پاکستان میں ایزی لوڈ سمیت کئی معاملات میں جدت لانے کا اعزاز حاصل ہے۔
یہ بھی پڑھیں: بھارتی بزنس مین گوتم اڈانی کو تین دن میں 68 ارب ڈالر کا نقصان
گزشتہ سال ملک کی معاشی صورت حال اور آپریشنل اخراجات میں اضافے کے باعث یہ باتیں گردش کررہی تھیں کہ ٹیلی نار پاکستان میں اپنا کاروبار فروخت کررہا ہے۔ اس حوالے سے ٹیلی نار کے امارات کی ایک کمپنی سے بات چیت بھی جاری ہے۔
