منحرف ارکان سے کوئی ملاقات نہیں کروں گا عمران خان
یوتھ ویژن نیوز (قاری عاشق حسین سے )چیئرمین پاکستان تحریک انصاف (پی ٹی آئی) عمران خان نے منحرف سابق ارکان پنجاب اسمبلی سے ملاقات سے انکار کردیا۔
تفصیلات کے مطابق پی ٹی آئی کے کارکنان منحرف ارکان کے حلقوں میں احتجاجی مظاہرے کررہے ہیں جبکہ منحرف ارکان نے عمران خان سے ملاقات کرکے اپنا موقف پیش کرنے کے لئے رابطہ کیا تو انہوں نے ملنے سے انکار کردیا۔
پنجاب اسمبلی میں اعتماد کے ووٹ کے دوران فیصل چیمہ ،مومنہ وحید اور خرم لغاری ایوان سےغیر حاضررہے تھے، جنہیں پارٹی کی جانب سے شوکاز نوٹسز جاری کیے گئے تھے اور وضاحت طلب کی گئی تھی۔
عمران خان کی ہدایت کی تھی کہ پارٹی سیکرٹری جنرل اسد عمرکے سامنے پیش ہوکر اپنی وضاحت پیش کریں۔
یاد رہے کہ فیصل چیمہ، مومنہ وحید اور خرم لغاری اعتماد کے ووٹ کے وقت ایوان سے غیر حاضر تھے، ان ارکان کو پی ٹی آئی نے شوکاز نوٹسز جاری کر کے وضاحت طلب کی تھی، منحرف ارکان نے اپنا موقف پیش کرنے کیلئے عمران خان سے رابطہ کیا۔
واضح رہے کہ پی ٹی آئی کارکنوں میں منحرف ارکان کے خلاف سخت غم و غصہ پایا جاتا ہے، پی ٹی آئی کے کارکن منحرف ارکان کے حلقوں میں احتجاجی مظاہرے بھی شروع کر چکے ہیں۔
