سعودی ولی عہد محمد بن سلمان نے پاکستان میں 10 ارب ڈالر سرمایہ کاری کرنےکا اعلان
یوتھ ویژن نیوز ( مبشر قاری عاشق حسین سے ) برادر اسلامی ملک پاکستان کی ڈوبتی معیشت کو سنبھالنے پہنچ گیا۔ سعودی عرب نے 10 ارب ڈالر کی سرمایہ کاری مزید پڑھانے پر آمادگی ظاہر کردی۔
سعودی خبر ایجنسی کے مطابق سعودی ولی عہد شہزادہ محمد بن سلمان نے پاکستان میں سرمایہ کاری میں اضافے کا جائزہ لینے کی ہدایت کردی ہے۔
خبر ایجنسی کے مطابق ولی عہد محمد بن سلمان نے سعودی ڈیولپمنٹ فنڈ کو پاکستان سینٹرل بینک میں جمع کروائی گئی 5 ارب ڈالر کی رقم بڑھانے پر جائزہ لینے کی بھی ہدایت کردی ہے۔
سعودی میڈیا کا بتانا ہے کہ دسمبر 2022 میں اسٹیٹ بینک میں ڈپازٹ کی رقم 5 ارب ڈالر کردی گئی تھی۔
رپورٹس کے مطابق سعودی ولی عہد اور وزیراعظم شہباز شریف کے درمیان حالیہ روابط کے تناظر میں یہ اعلان سامنے آیا ہے۔
خیال رہے کہ سعودی عرب نے گزشتہ سال پاکستان میں 10 ارب ڈالر کی سرمایہ کاری کا اعلان کیا تھا۔
