آب زم زم پاکستان لانے پر پابندی عائد کردی گئی

یوتھ ویژن نیوز (یاسر ملک سے ) حج اور عمرے پر جانے والے مسافروں کے علاوہ دیگر تمام افراد پر آب زم زم پاکستان لانے پر پابندی عائد کردی گئی۔

سعودی وزارت حج و عمرہ نے سعودی عرب کیلیے آپریٹ کرنے والی تمام ائیرلائنز کو مراسلہ ارسال کر دیا، وزارت کے فیصلے کے مطابق صرف حج اور عمرے پر آنے والے مسافر ہی آب زم زم اپنے ہمراہ پاکستان لا سکتے ہیں۔

مراسلہ میں کہا گیا ہے کہ وزٹ ویزہ، بزنس ویزا اور نوکری پیشہ افراد اپنے ہمراہ آب زم زم ساتھ نہیں لا سکتے، حج اور عمرے کے مسافرں کیلیے بھی کنگ عبداللہ بن عبدالعزیز آب زم زم کی 5 لیٹر کی صرف ایک بوتل ہی جہاز پر لوڈ کی جا سکتی ہے۔