عمران خان نے ایک بار پھر جنرل الیکشن کی تاریخ کی پیش گوئی کر دی

چئیرمین تحریک انصاف عمران خان نےصحافیوں سے ملاقات کی اور جنرل الیکشن کے حوالے سے اہم پیشگوئی کردی ہے۔

تفصیلات کے مطابق عمران خان نے صحافیوں سے ملاقات میں کہا ہے کہ اسٹیبلشمنٹ اس ملک کی حقیقت اور طاقت ہے،یہ اسٹیبلشمنٹ پر ہے کہ وہ پوزٹیو رول ادا کرتی ہے یا نیگیٹو ،جنرل ریٹائرڈ قمر جاوید باجوہ کے دور میں نیگیٹو رول رہا۔

عمران خان نے کہا کہ سیاست چھوڑ دوں گا لیکن سمجھوتہ نہیں کروں گا،چودھری  پرویز الٰہی ابھی تک ساتھ ہیں،چودھری برادران سے مستقبل کے اتحاد پر بات ہو رہی ہے،ابھی فوج کا نیا سیٹ اپ آیا ہمیں وقت دینا چاہیے۔مجھے پتہ ہے یہ میری مقبولیت کم کرنے کے لیے آڈیو  ویڈیو لیکس اور مجھے نااہل کرنے کی کوشش کریں گے،عوام میرے ساتھ ہے مجھے ان کے پراپیگنڈا کی کوئی پرواہ نہیں۔ عمران خان نے مزید کہا کہ دو تین دن میں اعتماد کا ووٹ لے لیں گے،زرداری کرپشن کے پیسوں سے ارکان کو خرید رہے ہیں،ق لیگ کے ساتھ اچھے تعلقات ہیں کسی کے اقتدار کی خاطر میں عوام کے اعتماد کو ٹیس نہیں پہنچاؤں گا،آخری ایک سال میں پتہ چلا جنرل ریٹائرڈ باجوہ احتساب چاہتے ہی نہیں،جنرل ریٹائرڈ باجوہ سمجھتے رہے پی ٹی آئی کا عروج کم ہو گا لیکن ہوا نہیں،کوئی صحیح آرمی چیف ہوتا تو ہم ملک میں صفائی کر دیتے،پیپلزپارٹی اور ن لیگ کے پاس فنڈنگ کی کوئی رسید نہیں،ہمارے پاس 40 ہزار ڈونرز کا ڈیٹا بیس موجود ہے،سپریم کورٹ نے کہا تھا سب جماعتوں کا اکٹھا کیس چلے،الیکشن کمیشن اسٹیبلشمنٹ سے کنٹرولڈ ہے، جنرل ریٹائرڈ باجوہ نے زرداری اور مراد علی شاہ سے ڈیل کر رکھی تھی