گورنر نے پنجاب اسمبلی سے پاس4بلوں کی منظوری دیدی
یوتھ ویژن نیوز (ثاقب غوری سے )پنجاب ایمپاورمنٹ آف پرسنزود ڈس ایبیلیٹیز بل 2022 ، پنجاب ٹرسٹ (امینڈمنٹ)بل 2022،پراونشل موٹر وہیکلز(امینڈمنٹ) بل 2022 اورمتحدہ علما بورڈ پنجاب بل 2022 کی منظوری دی گئی۔
تفصیلات کے مطابق گورنر پنجاب محمد بلیغ الرحمان نے مفاد عامہ میں پنجاب اسمبلی سے پاس کیے گئے 4 بلوں کی منظوری دے دی ۔گورنر پنجاب نے پنجاب ایمپاورمنٹ آف پرسنزود ڈس ایبیلیٹیز بل 2022 ، پنجاب ٹرسٹ (امینڈمنٹ)بل 2022،پراونشل موٹر وہیکلز(امینڈمنٹ) بل 2022 اورمتحدہ علما بورڈ پنجاب بل 2022 کی منظوری دے دی۔گورنر پنجاب کی منظوری کے بعد مذکورہ بلز ایکٹ کہلائیں گے
ترجمان گورنرہاؤس کاکہنا ہے کہ گورنر سیکرٹریٹ میں پنجاب اسمبلی کی جانب سے بل ایک طے کردہ طریقہ کار اختیار کیے بغیر براہ راست بھیجے جارہے ہیں۔عوامی مفاد میں ان بلوں پر باریک بینی سے کام کیا جاتا ہے۔گورنر پنجاب اب تک مفاد عامہ میں متعدد بلوں کی فوری منظوری دے چکے ہیں۔
