پرویزالٰہی اور مونس الٰہی کی سپیکر پنجاب اسمبلی سے ملاقات اپوزیشن کا بھرپورمقابلہ کرنےکا فیصلہ

یوتھ ویژن نیوز (عمران قذافی سے )وزیراعلیٰ پنجاب چودھری پرویز الٰہی اور سابق وفاقی وزیر مونس الٰہی سے سپیکر پنجاب اسمبلی سبطین خان نے ملاقات کی ،اپوزیشن کے غیر آئینی ہتھکنڈوں کا بھرپور مقابلہ کرنے کا فیصلہ کرلیا گیا۔

تفصیلات کے مطابق ملاقات میں سیاسی صورتحال پرتفصیلی مشاورت کی گئی ۔پنجاب اسمبلی کے قواعد و ضوابط اور دیگر قانونی امور پر تبادلہ خیال بھی کیا گیا ،آئینی صورتحال کے ٹیکنیکل پہلوؤں پر بھی غور کیا گیا،اس موقع پر چودھری پرویزالٰہی نے کہاہے کہ عمران خان کے ساتھ کھڑے ہیں اور کھڑے رہیں گے،جس کا ساتھ دیتے ہیں اس کا ساتھ نبھاتے ہیں، پنجاب اسمبلی تحلیل کرنے کیلئے عمران خان کے اشارے کے منتظر ہیں۔

اپوزیشن والوں کے نمبر کم ہیں اور باتیں زیادہ کرتے ہیں۔تحریک عدم اعتماد اور گورنر راج کی باتیں گیدڑ بھبھکیاں ثابت ہوں گی۔ان کا مزید کہناتھا کہ 27 کلومیٹر کے وزیراعظم کے پاؤں تلے سے زمین سرک رہی ہے۔

ملاقات میں مونس الٰہی کا کہناتھا کہ عمران خان قوم کے حقیقی لیڈر ہیں، ان جیسا رہنما مدتوں میں ملتا ہے۔غلط فہمیاں پیدا کرنے والے ہمیشہ کی طرح ناکام ہوں گے۔پنجاب اسمبلی اوروزارت اعلی عمران خان کی امانت ہے۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com