ملی یکجہتی کونسل پاکستان کے اعلی سطحی وفد کی عراقی سفیر سے ملاقات / اتحاد امت کانفرنس میں شرکت کی دعوت

یوتھ ویژ ن نیوز (قاری عاشق حسین سے )ملی یکجہتی کونسل پاکستان کے سیکریٹری جنرل جناب لیاقت بلوچ کی سربراہی میں اعلی سطحی وفد نے عراق ایمبیسی میں عراقی سفیر محترم جناب حامد عباس صاحب سے ملاقات کی ہے۔

رپورٹ کے مطابق، ملی یکجہتی کونسل پاکستان کے سیکریٹری جنرل جناب لیاقت بلوچ کی سربراہی میں اعلی سطحی وفد نے عراق ایمبیسی میں عراقی سفیر محترم جناب حامد عباس صاحب سے ملاقات کی۔اسلامی تحریک پاکستان کے مرکزی نائب صدر علامہ عارف حسین واحدی، پیر سید صفدر گیلانی، سید ثاقب اکبر، سید ناصر عباس شیرازی، مفتی عبدالشکور نقشبندی، مفتی گلزار نعیمی، مفتی معرفت شاہ اور دیگر حضرات نے شرکت کی۔

ملی یکجہتی کونسل پاکستان کے وفد نے عراق میں نئی حکومت کی تشکیل پر مبارک باد پیش کرتے ہوئے عراقی عوام کے لئے نیک خواھشات کا اظہار کیا اور اربعین کے ایام میں پوری دنیا سے کربلا میں کروڑوں زائرین کی میزبانی اور بہترین انتظامات پر عراق کو خراج تحسین پیش کیا۔ خاص کر پاکستان کے لاکھوں زائرین کے لئے بہتر انتظامات پر شکریہ ادا کیا۔

دو برادر اور دوست ممالک پاکستان اور عراق کے تعلقات کی بہتری، سیاسی معاشی روابط، امت مسلمہ اور اسلامی ممالک میں اتحاد، امن اور بھائی چارے کی ضرورت پر بہت اچھی گفتگو کی گئی۔

سفیر محترم نے پاکستان میں امن و آشتی اور وحدت و اخوت کے فروغ میں ملی یکجہتی کونسل کےاہم کردار کو سراہا۔

قابلِ ذکر ہے کہ ملی یکجہتی کونسل کی طرف سے عراقی سفیر محترم کو جنوری میں اتحاد امت کانفرنس میں شرکت کی دعوت بھی دی گئی

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com