سپریم کورٹ نے 24 برس سے جیل میں قید دو مسلمانوں کی ضمانت منظور کر لی
یوتھ ویژن نیوز (ویب ڈسک )بھارتی سپریم کورٹ نے گزشتہ چوبیس برس سے جیل میں قید دو مسلمانوں کی ضمانت منظور کرلی ہے۔
محمد یعقوب اور اصغر قادر شیخ پر الزام ہے کہ وہ 1998ء ممبئی ریل دھماکوں کے گینگ کے اہم ارکان تھے۔ انہیں نچلی عدالت نے عمرقید کی سزا سنائی تھی جسے ممبئی ہائیکورٹ نے برقرار رکھا تھا ۔
محمد یعقوب اور اصغر قادر شیخ کو قانونی مدد فراہم کرنے والی تنظیم ”جمعیت علمائے ہند“ کی امداد کمیٹی کے سربراہ گلزار اعظمی نے ذرائع ابلاغ کو بتایا کہ جسٹس اے ایس بوپنا اور جسٹس سدھ نشو دھولیہ پر مشتمل سپریم کورٹ کے دو رکنی بنچ نے دونوں کی ضمانت منظور کی۔
سماعت کے دوران سینئر ایڈوکیٹ نتیاراما کرشنن نے عدالت کو بتایا کہ عرض گزار گزشتہ چوبیس برس سے جیل کی سلاخوں کے پیچھے ہیں اور ہائیکورٹ کے فیصلے کے خلاف دائر اپیل تقریباً دو برس سے سپریم کورٹ میں زیرسماعت ہے جس پر مستقبل قریب میں حتمی بحث ہونے کے امکانات نہیں ہیں لہذا عرض گزاروں کو ضمانت پر رہا کیا جائے۔
