بہاول پورمیوزیم جنوبی پنجاب کی ثقافت کا ترجمان اور ریاست بہاول پورکی شان و شوکت کا علمبردار ہے،ڈاکڑ ابو بکر
یوتھ ویژن نیوز( ثاقب غوری سے)بہاول پور میوزیم سٹیٹ آف دی آرٹ ہے جوترقی اور جدت کے دور میں داخل ہو چکا ہے۔
میوزیم کو مزید اپ گریڈ کرنے اور عصری تقاضوں سے ہم آہنگ کرنے کے لیے فعال کردار ادا کیا جائے گا۔ ان خیالات کا اظہار چیئرمین ایگزیکٹو کمیٹی اور بہاول پور میوزیم کے بورڈ آف گورنرز کے رکن و خزانہ دار اسلامیہ یونیورسٹی بہاول پور ڈاکٹر ابو بکر نے آج میوزیم کی ترقیاتی سکیموں اور میوزیم گیلریز کا دورہ کرتے ہوئے کیا۔
ڈائریکٹر میوزیم محمد زبیر نے ڈاکٹر ابوبکر کو سکیم آف ڈسپلے بارے بریف کیا۔ چئیرمین ایگزیکٹو کمیٹی نے ڈائریکٹر بہاول پور محمد زبیر ربانی کی سربراہی میں میوزیم میں جاری ترقیاتی امور اور نئی گیلریوں کے مجوزہ ڈسپلے کو انتہائی تسلی بخش قراد دیتے ہوئے کہا مستقبل قریب میں بہاول پور میوزیم کا شمار بڑے عجائب گھروں میں ہوگا۔انھوں نے مزید کہا کہ لوگوں میں میوزیم بارے شعور اجاگر کرنے کے لیے مزید اقدمات کیے جائیں گے۔
انھوں نے کہا کہ ترقیاتی منصوبوں کی تکمیل کے بعد میوزیم سیاحوں کے لیے پرکشش ترین مقام بن گیا ہے جبکہ اس کا تعلیمی،تحقیقی و معلوماتی کرادار اپنی مثال آپ ہے۔
ڈاکٹر ابو بکر نے گیلریوں کا وزٹ کرتے ہوئے کہا کہ میوزیم جنوبی پنجاب کی ثقافت کا ترجمان اور ریاست بہاول پور کی شان و شوکت کا علمبردار ہے۔ اس موقع پر ڈپٹی ڈائریکٹر رشید احمد ارشد نے سر صادق محمد خان میموریل ہال و فرنٹ ایلیوشن اور آفیسر تعلقات عامہ نادیہ نورین نے ڈاکٹر ابوبکر کو میوزیم کے قیام و مقاصد اور نوادرات بارے بریفنگ دی۔