کوئٹہ: بلوچستان کانسٹیبلری کے ٹرک پر خود کش حملہ، 4 افراد شہید

یوتھ ویژن نیوز (عمران قذافی سے )دھماکے میں بلوچستان کانسٹیبلری کے ٹرک کو نشانہ بنایا گیا، دھماکے کے باعث قریب سے گزرنے والی گاڑیاں بھی زد میں آگئی:

کوئٹہ کے علاقے بلیلی میں ہونے والے خود کش حملے میں پولیس اہلکار ، دو بچے اور ایک خاتون شہید ہوگئیں جب کہ 27 افراد زخمی ہیں۔

پولیس کا بتانا ہے کہ دھماکے میں پولیس اہلکاروں سمیت عام شہری بھی زخمی ہوئے، دھماکے میں زخمی ہونے والوں کو سول اسپتال منتقل کر دیا گیا ہے۔

دھماکے میں بلوچستان کانسٹیبلری کے ٹرک کو نشانہ بنایا گیا، 20 سے 25 کلو گرام دھماکا خیز مواد استعمال کیا گیا: ڈی آئی جی۔

پولیس حکام کا کہنا ہے کہ دھماکے کے بعد پولیس اور بم ڈسپوزل کو موقع پر طلب کر لیا گیا ہے، جائے وقوعہ کا محاصرہ کر کے شواہد اکٹھے کیے جا رہے ہیں۔

ڈی آئی جی غلام اظفر مہیسر کا کہنا ہے کہ بلیلی دھماکے میں ایک پولیس اہلکار ، دو بچے اور ایک خاتون شہید جبکہ 22پولیس اہلکاروں سمیت 27افراد زخمی ہوئے۔

انہوں نے بتایا کہ خود کش حملے میں 20 سے 25 کلو گرام دھماکا خیز مواد استعمال کیا گیا، پولیس اہلکار ٹرک پر پولیو ڈیوٹی کے لیے جا رہے تھے