پاکستان میں اس سال 34 لاکھ ٹن یوریا کی پیداوار ہوئی، پاکستان میں یوریا کی فی بوری قمیت 1768 طے کی گئی،وفاقی وزیر صنعت و پیداوار خسرو بختیار


اسلام آباد۔ (عمران قذافی سے ):وفاقی وزیر صنعت و پیداوار خسرو بختیار نے کہا ہے کہ پاکستان میں اس سال 34 لاکھ ٹن یوریا کی پیداوار ہوئی، پاکستان میں یوریا کی فی بوری قمیت 1768 طے کی گئی۔ان خیالات کا اظہار انہوں نے جمعرات کو یوریا پیداوار و فراہمی کے حوالے سے اجلاس کی صدارت کرتے ہوئے کیا۔

وفاقی وزیر برائے فوڈ سیکورٹی فخر امام بھی اجلاس میں شریک تھے۔ اجلاس میں دسمبر کیلئے یوریا کی پیداوار اور موجودہ سٹاک پوزیشن پر بریفنگ دی گئی۔وفاقی وزیر نے کہا کہ اس سال ملکی تاریخ میں سب سے زیادہ یوریا کی پیداوار کئی گئی، پاکستان میں اس سال 34 لاکھ ٹن یوریا کی پیداوار ہوئی۔

خسرو بختیار نے کہا کہ پاکستان میں یوریا کی فی بوری قمیت 1768 طے کی گئی،جبکہ عالمی منڈی میں 10،000 فی بوری یوریا فروخت ہو رہا ہے، انہوں نے کہا کہ کچھ عناصر نے یوریا کی بلیک مارکیٹنگ اور ذخیرہ اندوزی سے فائدہ اٹھانے کی کوشش کی ۔

حکومت کی بروقت کارروائی سے ایک ہی ہفتے میں یوریا کی فی بوری قمیت 400 روپے کم ہوئی ہے، حکومت یوریا کی پیداوار، سپلائی چین اور فروخت کی مسلسل نگرانی کر رہی ہے، انہوں نے کہا کہ کسانوں کو طے شدہ قمیت پر یوریا کی فراہمی کو یقینی بنایا جا رہا ہے۔

u, 2 Dec 2021, 6:15 PM

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com