سونے کی فی تولہ قیمت میں کمی ہوگی
یوتھ ویژن نیوز (عاقب غوری سے )عالمی مارکیٹ میں سونے کی قیمت میں 5 ڈالر فی اونس کمی کے بعد ملکی سطح پر فی تولہ سونے کی قیمت گھٹ کر 1 لاکھ 58 ہزار روپے ہوگئی –
بین الاقوامی بلین مارکیٹ میں فی اونس سونے کی قیمت 5 ڈالر کی کمی سے 1761 ڈالر کی سطح پر آگئی اور ملک میں سونے کی فی تولہ قیمت میں آج 400 روپے کی کمی ہوئی ہے۔
مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب 400 روپے اور 342 روپے کی کمی واقع ہوئی۔
اِس کمی کے نتیجے میں کراچی، حیدر آباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 1 لاکھ 58 ہزار روپے اور دس گرام سونے کی قیمت بھی گھٹ کر 135460 روپے کی سطح پر آگئی۔
دوسری جانب صرافہ مارکیٹوں میں فی تولہ چاندی کی قیمت بغیر کسی تبدیلی کے 1690 روپے اور دس گرام چاندی کی قیمت بھی بغیر کسی تبدیلی کے 1448.90 روپے کی سطح پر مستحکم رہی۔
