آئی ایم ایف نے سیلاب سے متعلق اخراجات کی تفصیلات طلب کر لیے

یوتھ ویژن نیوز(عاقب غوری سے )پہلی سہہ ماہی کی اقتصادی کارکردگی سے متعلق رپورٹ بین الاقوامی مالیاتی فنڈ کو دی جائے گی

بین الاقوامی مالیاتی فنڈ (آئی ایم ایف) نے پاکستان میں سیلاب سے متعلق اخراجات کی تفصیلات طلب کرلیں۔

وزارتِ خزانہ ذرائع کا کہنا ہے کہ رواں مالی سال کی پہلی سہہ ماہی کی اقتصادی کارکردگی سے متعلق اعداد و شمار پہلے ہی آئی ایم ایف کو دئیے جاچکے ہیں۔

یہ بھی پڑھیں: موبائل فون 65 فیصد اور کاروں کی درآمدات میں 80 فیصد کمی

اس کے علاوہ آئی ایم ایف کے ساتھ سیلاب کی تباہ کاریوں سے متعلق جو عالمی اداروں کی رپورٹس کے تناظر میں اعداد و شمار مرتب ہوئے وہ بھی شیئر کئے گئے۔

قبل ازیں آئی ایم ایف سے سیلاب کی تباہ کاریوں کے اثرات کو مد نظر رکھتے ہوئے نرمی کی درخواست کی گئی تھی، جس میں گزشتہ روز وزیرِ خزانہ کے ساتھ ہونے والی آن لائن ملاقات میں سیلاب کے باعث پسماندہ و غریب طبقے کیلئے سبسڈیز بارے نظر ثانی کا عندیہ بھی دیا گیا گیا تھا۔

اب آئی ایم ایف نے پاکستان سے سیلاب سے متعلق اخراجات کی تفصیلات سمیت بحالی اور انفراء اسٹرکچر کی تعمیرِ نو پر آنے والے اخراجات کی تفصیلات مانگ ہیں اور آئی ایم ایف نے پاکستانی حکام سے کہا ہے کہ یہ بھی بتایا جائے کہ سیلاب بحالی اور تعمیرِ نو پر رواں سال کتنی رقم خرچ ہوگی جبکہ تعمیرِ نو میں آباد کاری کے کتنے منصوبے ہیں۔

یہ بھی پڑھیں: عمران خان نے گھڑی چوری پکڑے جانے پر عدالت جانے کا اعلان کیا تھا،مریم اورنگزیب

آئی ایم ایف کی جانب سے طلب کی گئی تفصیلات میں مزید کہا گیا ہے کہ گھروں اور شاہراہوں کی تعمیرِ نو پراخراجات کی علیحدہ علیحدہ تفصیلات فراہم کی جائیں۔

ذرائع کے مطابق وزارتِ خزانہ کی جانب سے آئندہ ہفتے تمام تفصیلات آئی ایم ایف کو فراہم کر دی جائے گی جس کے بعد آئی ایم ایف اور پاکستان کے درمیان مذاکرات دوبارہ ہوں گے۔