لانگ مارچ کامقصد ڈیل کرو اورمجھےاقتدارکی کرسی پر بٹھا دو،شیری رحمان
یوتھ ویژن نیوز(عمران قذافی سے ):وفاقی وزیر برائے موسمیاتی تبدیلی شیری رحمان نے کہا ہے کہ لانگ مارچ کا مقصد ڈیل کرو اور مجھے اقتدار کی کرسی پر بٹھا دو ہے،
ملک آزاد اور عوام با شعور ہیں اور اگر کچھ غلام ہے تو وہ عمران خان کی سوچ اور سیاست ہے۔ سماجی رابطے کی ویب سائٹ ٹوئٹر پر اپنا ٹویٹ میں انہوں نے کہا کہ پر امن احتجاج سب کا حق ہے لیکن اسلام آباد میں انتشار پھیلانے کی اجازت نہیں ہو گی۔ ملک درست سمت میں جا رہا ہے ، تنہائی ختم ہو رہی ہے، عمران خان انتشار پھیلانے اور اسلام آباد کو یرغمال بنانے کے لیے آ رہے ہیں،
یہ بھی پڑھیں : عمران خان کےآرمی چیف سےتعلقات،چودھری پرویزالہی کااہم انکشاف
ان ہی کے رہنما نے دعوی کیا تھا کہ لانگ مارچ میں لاشیں گریں گی۔ وفاقی وزیر نے کہا کہ عمران خان رات کو اداروں کے سربراہان سے ڈیل کے لیے پیر پکڑ رہے تھے اور دن میں ڈیل نہ ملنے کی صورت میں شارٹ مارچ کا اعلان کردیا اور اب لانگ مارچ کی آڑ میں ذاتی سیاسی جنگ لڑی جا رہی ہے۔
