عمران خان کےآرمی چیف سےتعلقات،چودھری پرویزالہی کااہم انکشاف
یوتھ ویژن نیوز ( ویب ڈسک سے) نجی ٹی وی کے پروگرام میں خصوصی گفتگو کرتے ہوئے وزیراعلیٰ پنجاب کا کہنا تھا کہ سیاست کا گرمی، سردی سے کوئی تعلق نہیں، اگر موسم گرم ہو گا تو کوشش ہو گی اسے ٹھنڈا کریں، اللہ نے عہدہ دیا عوام کی خدمت کرنا چاہتا ہوں۔ عمران خان نے اعتماد کیا اور مجھے وزیراعلیٰ بنایا، عمران خان کا شکر گزار ہوں۔
وزیراعلیٰ پنجاب چودھری پرویز الہٰی نے کہا ہے کہ اللہ تعالیٰ کے بعد سب سے زیادہ بھروسہ جنرل باجوہ پر ہے۔ جنرل باجوہ سے ملاقات ہوئی تو انہوں نے کہا کہ آپ نوازشریف سے کیوں لڑتے ہیں؟ تو میں نے انہیں کہا کہ شریفوں کو ہم سے زیادہ کوئی نہیں جانتا۔ جنرل باجوہ نے نواز شریف کو دوبارہ کھڑا کیا اور وہ ان سے ہی لڑ پڑے۔ ہمارا ان سے بہت اچھا تعلق ہے۔
یہ بھی پڑھیں: لانگ مارچ کیلئے پنجاب پولیس پرگاڑیوں کی پکڑدھکڑکا الزام
شریفوں کومجھ سے زیادہ کوئی نہیں جانتا۔ نوازشریف جب دوتہائی اکثریت سے وزیراعظم بنے تو آرمی چیف سے پھڈا شروع کر دیا تھا، علی قلی سے بھی خواہ مخواہ انہوں نے پھڈا کیا، مشرف سے بھی ان کا پھڈا ہوا، جنرل قمرجاوید باجوہ سے بھی ان کا پھڈا ہوا، جنرل قمرجاوید باجوہ نے باقی حکومتوں کی طرح عمران خان کو بھی سپورٹ کیا۔
انہوں نے مزید کہا کہ عمران خان کا بڑا مسئلہ الیکشن کی تاریخ ہے، عمران خان چاہتے ہیں الیکشن کی تاریخ دی جائے، کامیابی کی کرن نظرآئی ہے، موجودہ حکومت چاہتی ہے، مدت ختم ہونے پر الیکشن ہو۔ عمران خان حکومت کی کسی کمیٹی سے بات نہیں کریں گے، عمران خان وہاں بات کریں گے جتھے گل مکنی اے (جہاں پر بات ختم ہوگی)۔
