کراچی:اسٹریٹ کرائمزمیں کئی گنااضافہ اداروں کی کارگردی پر سوالیہ نشان ہے،ندیم اعوان
یوتھ ویژن نیوز( محمد افضل ) اللہ اکبر تحریک کراچی کے صدر احمد ندیم اعوان نے کہا ہے کہ کراچی میں اسٹریٹ کرائمز میں کئی گنا اضافہ ہوا ہے۔عوام سڑکوں پر لُٹ جانے سے خوفزدہ ہیں۔لوگوں کی جان و مال کی حفاظت حکومت کی اولین ترجیحات میں شامل ہونی چاہیے۔
یہ بھی پڑھیں: سیلاب کےبعد سردی کی لہر،محکمہ موسمیات نےخبردارکردیا
کراچی جیسے شہر جہاں سرکاری اور پرائیوٹ سی سی ٹی وی کیمروں کا جال اور مجرموں کی دورانِ واردات نقل وحرکت اور چہرہ نمایاں ہونے کے باوجود قانون کی گرفت میں نا آنا سیکورٹی اداروں کی کارکردگی پر سوالیہ نشان ہے۔شہر میں تھوڑے عرصے تک امن کی فضاء قائم رہنے کے بعداب ایسا لگتا ہے کہ یہ سلسلہ دوبارہ واپس آ گیا ہے۔
شہر قائد میں امن و امان کی دن بدن بگڑتی صورتحال پر تشویش کا اظہار کرتے ہوئے احمد ندیم اعوان کا کہنا تھا کہ ملک کے معاشی حب کراچی اور یہاں کے باسیوں کو جرائم پیشہ عنا صر کے رحم و کرم پر چھوڑ کر ثابت کردیا ہےکہ حکمران کراچی کے مسائل کے حل میں سنجیدہ اور مخلص نہیں۔
یہ بھی پڑھیں: روس:ایثیویکس کےسکول میں فائرنگ کا واقع،13 افراد ہلاک
جرائم پیشہ عناصر جب جہاں جس کو چاہتے ہیں ۔ناصرف قیمتی اشیا ءاور نقدی سے محروم کردیتے ہیں۔ بلکہ باآسانی فرار ہونے میں بھی کامیاب ہوجاتے ہیں، جبکہ ایسے جرائم پیشہ عناصر کو روکنے اور پکڑنے کی ذمہ داری کوئی لینے کو تیار نہیں۔
احمد ندیم اعوان کا مزید کہنا تھا کہ اس بات میں کوئی دو رائے نہیں کہ ملک اور شہر میں قائم ہونے والے امن کیلئے سیکورٹی اداروں کی بے پنا ہ قربانیا ں اورخدمات ہیں۔ جنہیں فراموش نہیں کیا جاسکتا۔لیکن سیکورٹی اداروں کو دیکھنا ہوگا کہ وہ کیا عوامل اور وجوہات ہیں جن کی بنا ءپرجرائم پیشہ عناصر آج بھی بلا خوف وخطر مجرمانہ سرگرمیوں کو جاری رکھے ہوئے ہیں۔