اینٹی کرپشن پنجاب کا لیگی رہنما کےگرد گھیراتنگ
یوتھ ویژن نیوز( عمران قذافی سے )سرکاری اراضی پر قبضہ کے کیس میں اینٹی کرپشن اسٹیبلشمنٹ نے مسلم لیگ ن کے اہم رہنما جاوید لطیف کے گرد گھیرا تنگ کردیا ہے۔
تفصیلات کے مطابق اینٹی کرپشن اسٹیبلشمنٹ نے کرپٹ عناصر کے خلاف گھیرا تنگ کرلیا ہے۔ سرکاری اراضی پر قبضہ کے الزام میں مسلم لیگ ن کے ایم این اے جاوید لطیف کو طلب کیا گیا ہے۔
یہ بھی پڑھیں: فصلوں کی باقیات کوآگ لگی توذمہ دارڈپٹی کمشنرہوگا،لاہورہائیکورٹ
اس کے علاوہ اینٹی کرپشن نے ایم این اے جاوید لطیف، منور لطیف، امجد لطیف اور دیگر کے خلاف سرکاری زمین پر قبضہ کے الزام میں تحقیقات کا آغاز کردیا ہے۔ اس حوالے سے اینٹی کرپشن شیخوپورہ ونگ نے جاوید لطیف وغیرہ کو تحقیقات کے لیے طلب کیا ہے۔ یاد رہے کہ اینٹی کرپشن قبل ازیں مسلم لیگی ایم پی اے محمد وقارچیمہ کو بھی طلب کر چکی ہے۔ مسلم لیگی ایم پی اے وقار چیمہ کو ڈی سی گوجرانولہ کی درخواست پر طلب کیا گیا۔