سیلاب سے پاکستان کو تاریخ کی بدترین تباہی کا سامنا ہے، احمد ندیم اعوان
یوتھ ویژن نیوز (محمد افضل سے ) اللہ اکبرتحریک کراچی کے صدر احمد ندیم اعوان نےکہا ہے کہ سیلاب سے پاکستان کو تاریخ کی بدترین تباہی کا سامنا ہے۔ملک مزید سیاسی افراتفری کا متحمل نہیں ہوسکتا ۔ سیاسی جماعتیں اسکورنگ کے بجائے یکجہتی کا مظاہرہ کریں ۔اس نازک وقت پر بھی ملک کی خاطر نہ سوچا گیا تو کب سوچیں گے؟۔
یہ بھی پڑھیں: چیف جسٹس کا پی ٹی آئی کو اسمبلی واپسی کا مشورہ
ملک ہوگا تو سیاست ہوگی ۔اگراس وقت خودغرضی کا مظاہرہ کیا گیا۔ تو یہی عوام آئندہ انتخابات میں ایسے چہروں کومسترد کردے گی ۔ملک میں حالیہ سیاسی ہلچل پراپنے خیالات کا اظہار کرتے ہوئے احمد ندیم اعوان کا کہنا تھا کہ ملک وقوم کی بقاءکے لیے تمام سیاسی جماعتیں اختلافات بھلا کر متحد ہوجائیں۔سیاستدان قوم کے وسیع تر مفاد میں غیر سنجیدگی کا مظاہرہ ترک کرکے متاثرین کی آباد کا ری کے بارے سر جوڑ کر بیٹھیں ۔
سیلاب کی تباہ کاریوں کے باعث قوم سخت مشکل کا شکار ہے ۔قوم اس وقت کسی سیاسی افراتفری کی متحمل نہیں ہوسکتی۔عوام اور حکمران متحد ہوکر متاثرین سیلاب کےلیے کام کریں۔متاثرین کو ان کے گھروں میں بسانا اوران کے لیے روزگار کے اسباب مہیا کرنا اس وقت اولین ترجیح ہونی چاہیے۔
یہ بھی پڑھیں: بابراور رضوان ریکارڈ شراکت داریِ،انگلینڈ کو10وکٹوں سےعبرت ناک شکست
احمد ندیم اعوان کا مزید کہنا تھا کہ حکومت اوراپوزیشن اس وقت ایک دوسرے کو بچھاڑنے میں لگے ہوئے ہے۔ان کے رویے سے معلوم ہوتا ہے کہ انہیں متاثرین کے مسائل حل کرنے میں کوئی دلچسپی نہیں ہے۔باہرممالک کے لوگ آکرمتاثرین کی داد رسی کررہے ہیں ۔لیکن ہمارے سیاسی قائدین ایک دوسرے کی ٹانگیں کھینچنے میں لگے ہوئے ہیں ۔اس وقت تمام سیاسی اختلافات بھلا کر ملک وقوم کو بچانا ہوگا ۔ملک ہوگا تو سیاست ہوگی ۔ورنہ الیکشن میں یہی عوام آپ کا راستہ روکے گی۔
