روتے بچوں کو 5 منٹ میں بچے کو سلانےکا طریقہ
یوتھ ویژن نیوز ( ویب ڈسک ) اکثر اوقات والدین اپنے بچوں کے زیادہ رونے سے پریشان رہتے ہیں۔ کیونکہ روتے بچے کو چپ کروانا جوئے شیر لانے کے مترادف ہے۔ لیکن اب سائنسدانوں نے ایسے والدین کیلئے آسان طریقہ دریافت کیا ہے۔ جس سے بچے کو چپ کروانا اور سلانا انتہائی آسان ہوگیا ہے اور یہ بھی صرف چند منٹوں میں۔
یہ بھی پڑھیں: عمران خان کاسیلاب متاثرین کی امداد کیلئے تیسری ٹیلی تھون کرنےکااعلان
جاپانی محققین نے تحقیق میں بتایا کہ اگر بچہ رو رہا ہو تو اسے گود میں اٹھا کر 5 منٹ تک چہل قدمی کریں اور پھر 8 منٹ تک اسے کندھے سے لگا کر بیٹھے رہیں، وہ 13 منٹ میں میٹھی نیند سو جائے گا۔
تحقیق کے دوران بچوں کو چپ کراتے ہوئے ای سی جی مشین اور کیمروں کا استعمال کرکے مختلف طریقوں کے اثرات کا موازنہ کیا۔ تحقیق میں 21 ماؤں نے نومولود بچوں کو پرسکون رکھنے کے لیے مختلف طریقوں کو آزمایا۔
ماہرین نے دریافت کیا کہ 5 منٹ تک بچے کو لے کر گھومنا اس وقت بچوں کو سلانے میں مدد فراہم کرتا ہے جب وہ رو رہے ہوتے ہیں، البتہ پرسکون بچوں کو اس طریقہ کار سے کوئی فائدہ نہیں ہوتا۔
یہ بھی پڑھیں: آصف زرداری،نواز شریف اور فضل الرحمٰن الیکشن نہیں روک سکتے،شیخ رشید
محققین نے بتایا کہ 5 منٹ کی چہل قدمی کے بعد بچے چپ ہوجاتے ہیں اور ان کی دل کی دھڑکن کی رفتار سست ہوجاتی ہے، جس کے بعد وہ کچھ دیر میں سو جاتے ہیں۔
انہوں نے کہا کہ جب بچے سو جائیں تو بھی بچے کو کچھ وقت تک کندھے سے لگائے رکھیں اور اس کے بعد ہی بستر پر منتقل کریں۔